24 ساۋىردە الماتىدا اۋا رايىنىڭ كۇرت بۇزىلۋىنا، ەكپىنى كۇشتى جەل مەن جاڭبىرعا بايلانىستى ەرمەنساي، نۇر الاتاۋ، تاۋ-سامالى، قاراعايلى، قۇرامىس، اقجار، باعاناشىل، اسقارتاۋ، شاڭىراق-1 جانە شاڭىراق-2 شاعىن اۋداندارىندا جارىق ءوشىپ قالدى، دەپ حابارلايدى اlmaty-akshamy.kz.
"الاتاۋ جارىق كومپانياسى" اق حابارلاۋىنشا، جاڭبىر مەن قاتتى جەلدەن 6-10-0،4 كۆ تاراتۋ جەلىسىندە اقاۋ پايدا بولعان، سونىڭ سالدارىنان الماتىلىقتار ەلەكتر قۋاتىنسىز قالدى.
سۋرەت: Zakon.kz
"اۋا رايىنىڭ ناشارلاۋىنا جانە ەكپىنى كۇشتى جەلگە بايلانىستى الماتى قالاسى ەرمەنساي ىقشاماۋدانى، نۇر الاتاۋ، تاۋ-سامالى، قاراعايلى، قۇرامىس، اقجار، باعاناشىل، اسقارتاۋ، شاڭىراق-1 جانە شاڭىراق-2 شاعىن اۋدانداندارىندا اپاتتى جاعدايدا ەلەكتر قۋاتى ءۇزىلدى"، - دەپ جازدى "الاتاۋ جارىق كومپانياسى" اق باسپا ءسوز قىزمەتى.
سونداي-اق كومپانيا قالانى ەلەكترمەن جابدىقتاۋدى قالپىنا كەلتىرۋ ءۇشىن جەدەل توپ جۇمىس ىستەپ جاتقانىن اتاپ ءوتتى. قالاداعى جاعداي باقىلاۋدا.
قازىرگى ۋاقىتتا 8 (727) 356-99-99 تەلەفون ءنومىرى جۇمىس ىستەپ تۇر، ەلەكتر قۋاتىنىڭ ءۇزىلۋ سەبەبى تۋرالى بارلىق جەدەل اقپاراتتى بىلۋگە بولادى.