ەلەكتر كولىكتەرىن قۋاتتاندىرۋعا ارنالعان ستانسالاردىڭ ورنالاسۋىنا قاتىستى تۇزەتۋلەر مەن وزگەرىستەر ساۋلەت، قالا قۇرىلىسى جانە قۇرىلىس سالاسىنداعى مەملەكەتتىك نورماتيۆتەرىنە ەنگىزىلدى:
اۆتوموبيل تۇراقتارىن جوبالاۋ جونىندەگى مەملەكەتتىك نورماتيۆتەرگە سايكەس اۆتوتۇراقتارداعى ورىنداردى بەلگىلەۋ كەزىندە قۋاتتاندىرۋ قۇرىلعىلارىمەن جابدىقتالعان ەلەكتر كولىكتەرگە دە ورىندار قاراستىرىلۋى ءتيىس.
ەلەكتر كولىكتەردىڭ قۋاتتاندىرۋ قۇرىلعىلارىن تەك زاۋىتتا وندىرىلگەن، ەلەكتر جەلىسىنىڭ قورعانىس دارەجەسى IP 54-تەن كەم ەمەس، اۆتوماتتى اجىراتۋ قۇرىلعىسى بار (ونىڭ ىشىندە ورتكە قارسى قورعاۋ جۇيەلەرىنىڭ ىسكە قوسىلۋى تۋرالى دابىل بەلگىسىن العان كەزدە) بولسا، پايدالانۋعا رۇقسات ەتىلەدى.
بۇدان باسقا، جاڭا نورمالاردا ەلدىمەكەندەردىڭ اۋماعىندا ەلەكتر كولىگىنىڭ زاريادتاۋ سەرۆيستىك ينفراقۇرىلىمىن ورناتۋ كوزدەلۋى ءتيىس.
زاريادتاۋ ستانسيالارى گاز جانە گاز قۇيۋ ستانسيالارىندا (اجس مەن اگجس)، تەحنيكالىق قىزمەت كورسەتۋ ستانسيالارىندا، اۆتوتۇراقتاردا، جول بويىنداعى قىزمەت كورسەتۋ وبەكتىلەرىندە، ءتۇرعىن-ۇي، قوعامدىق، كاسىپكەرلىك جانە وندىرىستىك اۋماقتاردا ورنالاسۋى مۇمكىن.
سونداي-اق اۆتوتۇراقتاردا زاريادتاعىشتارمەن جابدىقتالعان ەلەكتر كولىكتەرى ءۇشىن بوس ورىندار بولۋى مىندەتتى. بۇل رەتتە تەك زاۋىتتان شىققان قۋاتتاندىرعىش قۇرىلعىلاردى ورنالاستىرۋعا رۇقسات ەتىلەدى.
جانارماي قۇيۋ بەكەتتەرىندە جىلدام جانە وتە جىلدام زاريادتاۋ ستانسالارىن ورناتۋ ۇسىنىلادى. سونىمەن قاتار جانارماي قۇيۋ بەكەتتەرىندە جانە مۇگەدەكتەر ارباسىنداعى مۇگەدەكتەرگە ارنالعان جانارماي قۇيۋ ستانسيالارىندا ەلەكتر كولىكتەرىن زاريادتاۋعا ارنالعان كەم دەگەندە ءبىر ورىن بولۋى مىندەتتى.
بۇيرىق 2024 جىلدىڭ 19 ساۋىرىنەن باستاپ قولدانىسقا ەنگىزىلدى.