استانا مەن الماتىدا ۇزاق ۋاقىت بويى «مەفەدرون» پسيحوتروپتىق زاتتارىن دايىنداۋمەن جانە تاراتۋمەن اينالىسقان قىلمىستىق توپتى ۇستالدى. بۇل تۋرالى Almaty-akshamy.kz Inform.kz-كە سىلتەمە جاساپ حابارلايدى.
ۇيىمداسقان قىلمىسقا قارسى كۇرەس باسقارماسى مەن كولىكتەگى پوليسيا دەپارتامەنتى تەرگەۋ باسقارماسىنىڭ قىزمەتكەرلەرى 29 قازان كۇنى «بۇركىت» جاۋىنگەرلەرىن تارتا وتىرىپ، استانا مەن الماتىدا ۇزاق ۋاقىت بويى «مەفەدرون» پسيحوتروپتىق زاتتارىن دايىنداۋمەن جانە تاراتۋمەن اينالىسقان قىلمىستىق توپتى ۇستادى. توپ 4 ادامنان تۇرعان.
تەكسەرۋ كەزىندە كۇدىكتىلەردىڭ پسيحوتروپتىق زاتتاردى الماتىدان استاناعا جەكە تاسىمالداۋشىلار ارقىلى اۆتوموبيلدەردىڭ قوسالقى بولشەكتەرىنە جاسىرىپ تاسىمالداعانى انىقتالدى.
الماتىدا كولىك پوليسەيلەرى گاراج رەتىندە جاساقتالعان زەرتحانانى انىقتادى، وندا پسيحوتروپتىق زاتتاردى دايىنداۋعا ارنالعان 26-دان استام جابدىق، ەسىرتكىنى دايىنداۋعا ارنالعان 500 ليتر حيميالىق كونسەنترات، سونداي-اق 1 كەلىدەن استام دايىن پسيحوتروپتىق زات تابىلدى.
«قازىرگى ۋاقىتتا اتالعان فاكتى بويىنشا ق ر قك-نىڭ 297-بابىمەن تەرگەۋ جۇرگىزىلىپ جاتىر. ۇستالعاندار كىناسىن مويىندادى، ولاردىڭ بارلىعى ۋاقىتشا ۇستاۋ يزولياتورىنا قامالدى»، - دەپ اتاپ ءوتتى كولىكتەگى پد باستىعى وڭال بەكييەۆ.