مۇنداي تىڭ جاڭالىقتى عالىمدار ويلاپ تاپقان. رەسەيلىك عالىمدار امەريكاندىق جانە مەكسيكاندىق ارىپتەستەرىمەن بىرگە قولدانىلعان مەديسينالىق ماسكالار جانە دارى-دارىمەك قاپتامالارىنان ءتيىمدى (ۇنەمدى) اككۋمۋلياتورلار الۋعا بولاتىن تەحنولوگيانى جاساپ شىعاردى.
بۇل تۋرالى رەن-تۆ سايتىندا جاريالاندى، دەپ حابارلايدى Almaty-akshamy.kz ءتىلشىسى.
زەرتتەۋ اۆتورلارىنىڭ پىكىرىنشە، ولار جاساپ شىعارعان تەحنولوگيا كادەگە جاراتۋعا قيىن قالدىقتاردى شيكىزاتقا اينالدىرۋعا مۇمكىندىك بەرەدى. «ميسيس» ۇلتتىق تەحنولوگيالىق زەرتتەۋ ۋنيۆەرسيتەتى ماماندارىنىڭ پايىمداۋىنشا، پاندەميا باستالعالى بەرى بۇكىل الەمدە اي سايىن 130 ميلليارد بەتپەردە قولدانىلادى ەكەن. ولاردىڭ ءبارى جۇزدەگەن توننا پوليمەرلى قالدىقتارعا اينالادى جانە ولاردى جاعۋ كەزىندە زياندى زاتتار بولىنەدى. وسىنىڭ سالدارىنان ماسكالاردى دۇرىس وڭدەۋ ماسەلەسى تۋىنداعان.
عالىمداردىڭ بولجامى بويىنشا، ولار جاساپ شىعاراتىن اككۋمۋلياتورلاردى ءوندىرۋ ءۇشىن تەك گرافەن عانا ساتىپ الۋ قاجەت. تەحنولوگيا جىڭىشكە، يىلگىش، ارزان باتارەيالار جاساۋعا مۇمكىندىك بەرەدى. وزىندىك قۇنىنىڭ تومەن بولۋىنا بايلانىستى، اككۋمۋلياتورلار ءبىر رەت قولدانۋعا جارامدى بولۋى مۇمكىن. سوعان قاراماستان، كوپتەگەن پارامەترلەرى بويىنشا ولار ادەتتەگى اككۋمۋلياتورلاردان كەم بولمايدى، سول سەبەپتى ولاردى تۇرمىستىق قولدانىستا ءتۇرلى جاعدايدا قولدانۋعا بولادى.
زەرتتەۋ ناتيجەلەرى Journal of Energy Storage-دە جاريالانعان.