دەنساۋلىق ساقتاۋ مينيسترلىگى مەديسينا كادرلارىنىڭ تاپشىلىعىن شەشۋ جولدارىنىڭ ءبىرى رەتىندە مەديسينالىق جوو-لاردىڭ تۇلەكتەرىن ءبولۋ تەتىگىن تيىمدىرەك ەتۋدى ۇسىنادى، دەپ حابارلايدى aqshsmnews.kz سالا مينيسترلىگىنە سىلتەمە جاساپ.
«قازىرگى ۋاقىتتا مەديسينالىق جوو-لار تۇلەكتەرىنىڭ ۇشتەن بىرىنە جۋىعى ءبولۋ بويىنشا جۇمىس ىستەمەيدى، نەگىزىنەن جۇمىسقا ورنالاسۋ ءۇشىن جەكە مەديسينالىق ۇيىمداردى ارتىق كورەدى. سونىمەن قاتار، مەملەكەتتىك ءبىلىم بەرۋ تاپسىرىسى شەڭبەرىندە كادرلاردى دايارلاۋ مەن جەرگىلىكتى بيۋدجەت قاراجاتىنىڭ ەسەبىنەن كادرلاردى دايارلاۋدىڭ اراسىندا ۇيلەسىمدىلىك جوق (جاو گرانتتارى)، بۇل مەديسينا كادرلارىن ءتيىمدى جوسپارلاۋعا اسەر ەتەدى، مامانداردىڭ جەرگىلىكتى جەرگە جەتۋى بويىنشا مونيتورينگ تە ءالسىز جۇرگىزىلۋدە»،-دەپ اتاپ ءوتتى دەنساۋلىق ساقتاۋ ءبىرىنشى ۆيسە-مينيسترى تيمۋر سۇلتانعازييەۆ ءوز سوزىندە اباي وبلىسىنداعى پارلامەنت سەناتىنىڭ كوشپەلى وتىرىسىندا.
جاعدايدى وزگەرتۋ ءۇشىن پارمەندى شارالار رەتىندە دەنساۋلىق ساقتاۋ مينيسترلىگى كادرلارمەن قامتاماسىز ەتۋدە ناقتى ۇيلەستىرۋدى بەلگىلەۋ قاجەت بولعان جاعدايدا جاس مامانداردى جۇمىسقا دەربەس ءبولۋدى ۋاكىلەتتى ورگاننىڭ دەڭگەيىنە قايتارۋدى ۇسىنادى.
ەكىنشى - تۇلەكتەردىڭ جەكەلەگەن ساناتتارى ءۇشىن جۇمىس ىستەۋدى كەيىنگە قالدىرۋ، رەزيدەنتۋرادا وقۋدى جالعاستىرۋدى ەنگىزۋ، مساك دەڭگەيىندە كەمىندە ءۇش جىل جۇمىس ءوتىلى بار مەديسينا قىزمەتكەرلەرى ءۇشىن ەرتە (الدىن الا) ءبولۋ ءراسىمىن ەنگىزۋ.
سونىمەن قاتار، كادرلاردى ءبولۋدى رەتتەۋ جانە الەۋمەتتىك قولداۋ شارالارىن كورسەتۋ جونىندەگى جۇمىستى ۇيلەستىرۋ ءۇشىن جەرگىلىكتى جەرلەردە وڭىرلىك كوميسسيالار قۇرعان ءجون.
بۇدان باسقا، ۆەدومستۆو كادرلاردى جەرگىلىكتى جەرلەردە ۇستاپ تۇرۋ جانە اۋىلدىق جەرلەردە دارىگەرلىك قىزمەتتىڭ بەدەلىن ارتتىرۋ ءۇشىن قوسىمشا ىنتالاندىرۋ شارالارىنىڭ تۇتاس پاكەتىن باستاماشىلىق ەتەدى. ولاردىڭ قاتارىندا ينتەرن دارىگەرلەرىنە ارنالعان ءبىلىم بەرۋ باعدارلامالارىن جاڭارتۋ، پسيحولوگيالىق قولداۋ باعدارلامالارىن ۇيىمداستىرۋ جانە ۇزاق تاجىريبەسى بار مەديسينا قىزمەتكەرلەرىن ىنتالاندىرۋ جۇيەلەرىن ەنگىزۋ جانە باسقا دا ماتەريالدىق ەمەس ىنتالاندىرۋ شارالارى بار.
بۇل باستامالار دەنساۋلىق ساقتاۋ جۇيەسىن نىعايتۋعا جانە اۋىلدىق جەرلەردەن مەديسينا كادرلارىنىڭ كەتۋىن ازايتۋعا جاعداي جاساۋعا باعىتتالعان.
حيرۋرگيالىق توپتىڭ ەڭ كوپ سۇرانىسقا يە 5 ماماندىعىنا انەستەزيولوگ-رەانيماتولوگتار كىرەدى، قاجەتتىلىك – 306-نى، حيرۋرگتار – 210-دى، وفتالمولوگتار – 112ء-نى، وتورينولارينگولوگتار – 83ء-تى، انگيوحيرۋرگتار – 44ء-تى قۇرايدى. بوساندىرۋ قىزمەتىنىڭ ەڭ سۇرانىسقا يە ماماندارى: اكۋشەر-گينەكولوگتار – 253، نەوناتولوگتار – 87.
دارىگەرلەرگە دەگەن جوعارى قاجەتتىلىك استانا (702 دارىگەر)، الماتى (497 دارىگەر)، شىمكەنت (234 دارىگەر) سياقتى ءىرى قالالاردا بار. اۋىلدىق ەلدى مەكەندەر دەڭگەيىندە مەديسينا قىزمەتكەرلەرىنە ەڭ ۇلكەن سۇرانىس اقمولا (116 دارىگەر)، تۇركىستان (135 دارىگەر)، بقو (89 دارىگەر) بايقالادى.