"مارات وسپانوۆ اتىنداعى باتىس قازاقستان مەديسينا ۋنيۆەرسيتەتى" كەاق باسقارما ءتوراعاسى – رەكتور اسەت قالييەۆتى سەيسەنبى كۇنى وبلىستىق "انتيكور" جەدەل ۋاكىلدەرى ۇستادى، دەپ حابارلايدى almaty-akshamy.kz
28 مامىردا قالييەۆتىڭ ۇيىندە ءتىنتۋ جۇرگىزىلگەن. ءبىزدىڭ دەرەكتەرىمىز بويىنشا، بۇل ءىس پاراقورلىققا قاتىستى. وبلىستىق سىبايلاس جەمقورلىققا قارسى ءىس-قيمىل اگەنتتىگى مەن پروكۋراتۋرا بۇل ماسەلەگە ازىرگە تۇسىنىكتەمە بەرگەن جوق.
اسەت قالييەۆ 2014-2020 جىلدارى اقتوبە وبلىسى اكىمدىگىنىڭ دەنساۋلىق ساقتاۋ باسقارماسىنىڭ باسشىسى قىزمەتىن اتقاردى. 2020 جىلدىڭ شىلدە-قىركۇيەك ايلارىندا جامبىل وبلىسى اكىمىنىڭ دەنساۋلىق ساقتاۋ ماسەلەلەرى جونىندەگى كەڭەسشىسى بولدى. سول جىلدىڭ قىركۇيەگىنەن باستاپ جامبىل وبلىسىنىڭ دەنساۋلىق ساقتاۋ باسقارماسىن باسقاردى. 2022 جىلدىڭ قىركۇيەگىنەن باستاپ ءا.قالييەۆ م.وسپانوۆ اتىنداعى باتىس قازاقستان مەديسينا ۋنيۆەرسيتەتىنىڭ رەكتورى قىزمەتىن اتقارىپ كەلەدى.