مەدەۋدە سىرعاناۋ ماۋسىمى اشىلادى

دايىندىق جۇمىستارى اياقتالىپ قالدى.

مەدەۋ مۇز ايدىنىنىڭ اكىمشىلىگى قىسقى كونكي تەبۋ ماۋسىمى قاشان باستالاتىنىن ايتتى، دەپ حابارلايدى Almaty-akshamy.kz

مۇز ايدىنى اكىمشىلىگىنىڭ مالىمەتىنشە، مەدەۋدە كونكي تەبۋ ماۋسىمىنا دايىندىق جۇمىستارى اياقتالىپ قالدى. ءقازىر ايدىنعا مۇز قۇيىلا باستادى.

"سىزدەرگە قۋانىشتى جاڭالىقتى جەتكىزگىمىز كەلەدى. "مەدەۋ" مۇز ايدىنى ەسىگىن 15 قاراشا كۇنى ايقارا اشادى"، – دەلىنگەن حابارلامادا.

الماتىدا "مەدەۋ-شىمبۇلاق" جولىمەن ءوتۋ رەجيمى بەلگىلەندى. الماتى قالاسى اكىمدىگىنىڭ باسپا ءسوز قىزمەتىنىڭ مالىمەتىنشە، اسپالى جول ىسكە قوسىلعانعا دەيىن ەلەكتروموبيلدەر مەن جاياۋ جۇرگىنشىلەر 09.00-گە دەيىن، 12.00-دەن 14.30-عا دەيىن جانە 18.00-دەن كەيىن كىرە الادى.

اسپالى جول ىسكە قوسىلعاننان كەيىن 1 قاراشادان باستاپ ەلەكتر كولىكتەرىنە 09.00-گە دەيىن جانە 18.00-دەن كەيىن كىرۋگە رۇقسات. 13.00-دەن 14.00-گە دەيىن تەحنيكالىق قىزمەتتەردىڭ ارنايى كولىگى عانا كىرە الادى. بۇل كەزدە ستۋدەنتتىك سوقپاق ارقىلى جاياۋ سەرۋەندەۋگە بولادى. قوزعالىستى شەكتەۋدىڭ بەلگىلەنگەن كەستەسى 1 جەلتوقسانعا دەيىن جالعاسادى.