«مەدەۋ-شىمبۇلاق» جولىنداعى وتكىزۋ رەجيمىنىڭ كەستەسى وزگەرتىلدى دەپ حابارلايدى Almaty-akshamy.kz
تاۋ شاڭعىسى كۋرورتىنىڭ اۋماعىندا جۇمىس ىستەيتىن كاسىپكەرلەردىڭ ءوتىنىشى بويىنشا «مەدەۋ-شىمبۇلاق» جولىنداعى وتكىزۋ رەجيمىنىڭ كەستەسى وزگەرتىلدى.
16 جەلتوقساننان باستاپ كىرۋگە 09:00-گە دەيىن، 12.00-دەن 14.30-عا دەيىن جانە 18.00-دەن كەيىن ەلەكتروموبيلدەر، تاكسيلەر جانە تەحنيكالىق قىزمەتتەردىڭ ارنايى كولىكتەرىنىڭ جۇرگىزۋشىلەرى ءۇشىن رۇقسات ەتىلەدى. بۇل كۇنى جاياۋ جۇرۋگە قاتاڭ تىيىم سالىنادى، تەك ستۋدەنتتىك سوقپاق ارقىلى قولجەتىمدى.
جەكسەنبى جانە مەرەكە كۇندەرى جول ءجۇرۋ بارلىعىنا اشىق، جاياۋ جۇرگىنشىلەر مەن اۆتوكولىك جۇرگىزۋشىلەردىڭ ومىرىنە ءقاۋىپ تونبەيدى.
ەسكە سالساق، «موحناتكا» جانە «گورەلنيك» تاۋلارىنىڭ باۋرايىندا تاستاردىڭ قۇلاۋى سالدارىنان بولعان زارداپتاردى جويۋ بويىنشا جۇرگىزىلگەن كەشەندى جۇمىستارعا بايلانىستى كولىك قوزعالىسى شەكتەلگەن بولاتىن.
اعىمداعى جىلدىڭ 25 قازانىنان باستاپ بۇگىنگى كۇنگە دەيىن بۇرعىلاۋ قوندىرعىلارىن قولدانا وتىرىپ، كەدەرگىلەردى تازارتۋ جانە بەتكەيلەردى نىعايتۋ بويىنشا جۇمىستار جۇرگىزىلۋدە.
جول بويىندا نوسەر كارىزى سالىنادى.
كەشەندى جۇمىستار قىس بويى جالعاسادى جانە 2024 جىلدىڭ كۇزىندە اياقتالادى.