مەدەۋ-شىمبۇلاق جولى جابىلدى

سەبەبى  مەدەۋدەن شىمبۇلاققا باراتىن جولدا 20 تەكشە مەتر تاس قۇلاعان.

ءقازىر جول جابىق، دەپ حابارلايدى Almaty-akshamy.kz قازاقپاراتقا سىلتەمە جاساپ. 

وقيعا 12 ساۋىرگە قاراعان ءتۇنى بولعان. «قازسەلدەنقورعاۋ» مم الماتى وندىرىستىك قالالىق پايدالانۋ باسقارماسى فيليالىنىڭ مامانى «موحناتكا» تاۋى ماڭىندا، مەدەۋ بوگەتىنىڭ تۇسىنان 300 م جوعارى (شىمبۇلاققا بارار جولدا) جەردە كولەمى شامامەن 20 م3 تاس وپىرىلىپ تۇسكەنىن انىقتاعان.

جاۋىن-شاشىن مەن كوشكىن قاۋپىنە بايلانىستى الدىن الا قويىلعان بلوكبەكەتتەردىڭ ارقاسىندا ادامداردىڭ زارداپ شەگۋىنە جول بەرىلمەدى.

تاستاردىڭ كوپ بولىگى قورعانىس قابىرعاسىنىڭ ىشىندە قۇلاعان، الايدا قورعانىس قابىرعاسى، سونداي-اق قورعانىس تورلارى زاقىمدانعان، 2 تىرەۋ مايىسقان.

تاۋدان تاستاردىڭ قايتا قۇلاۋ قاۋپىنە بايلانىستى «قازسەلدەنقورعاۋ» مم ماماندارى «مەدەۋ» تابيعي پاركى كمم اۆتوجول ۋچاسكەسىن تولىق جابۋ تۋرالى ۇسىنىمدار بەردى. قازىرگى ۋاقىتتا جول (مەدەۋ-شىمبۇلاق) جابىلدى. قالانىڭ ارناۋلى قىزمەتتەرى جۇمىس ىستەپ جاتىر.

الماتى قالالىق تجد مەن «قازسەلدەنقورعاۋ» الماتىلىقتاردى، تۋريستەر مەن مەگاپوليس قوناقتارىن «قازگيدرومەتتىڭ» جاۋىن-شاشىن تۋرالى بولجامىنا بايلانىستى تاۋعا بارۋدان باس تارتۋعا شاقىرادى. سونىمەن قاتار، تاۋدا قالعان تۋريستەرگە بارلىق قاۋىپسىزدىك شارالارىن ساقتاۋعا كەڭەس بەرەدى.

ەگەر سىزگە كومەك قاجەت بولسا، 112، 109 نەمەسە 8 (727) 372 -15-60 (ق ر تجم رجقج مم كەزەكشى-ديسپەچەرلىك بولىمشەسى) جەلىلەرىنە قوڭىراۋ شالۋ قاجەت.