الماتىدا كاسىپكەرلەر «الماتى – ءبىزدىڭ ورتاق ءۇيىمىز» قالالىق باستاماسى جانە «تازا قازاقستان» رەسپۋبليكالىق باعدارلاماسى اياسىندا ءوتىپ جاتقان «جارقىن كۇز» كۇزگى اكسياسىن قولدادى.
مەدەۋ اۋدانىنىڭ كاسىپكەرلەرى «بارلىعى تازالىقتى باقىلايدى» چەللەندجىن باستادى. ولار وسىلايشا اباتتاندىرۋ ءتولقۇجاتتارىن جاڭا ەرەجەلەرگە سايكەس راسىمدەگەن بيزنەس سۋبەكتىلەرىن بىرىكتىرگىسى كەلەدى، دەپ حابارلايدى aqshamnews.kz.
مەدەۋ اۋدانىنىڭ بيزنەس-سۋبەكتىسىنىڭ وكىلى داۋلەت جولداسبەك باستاماعا ءوزىنىڭ قاتىسۋى تۋرالى ايتتى:
– جاقىندا ءبىز جاڭا تالاپتارعا سايكەس اباتتاندىرۋ پاسپورتىن راسىمدەدىك. ءبىز ۋچاسكەلەر مەن جاۋاپكەرشىلىك ايماقتارىن، سونىڭ ىشىندە ءبىزدىڭ كاسىپورىنعا ىرگەلەس اۋماقتى ناقتى انىقتادىق، ول ءۇشىن ءبىز ءقازىر جاۋاپ بەرەمىز. بىزگە ەكولوگيالىق اكسيالاردى قولداۋ ماڭىزدى، ويتكەنى بۇل قالانىڭ تازالىعىنا قوسقان ۇلەسى عانا ەمەس، سونىمەن قاتار بيزنەستىڭ جاۋاپكەرشىلىگىنىڭ كورسەتكىشى. ءبىز ەستافەتانى المالى اۋدانىنىڭ كاسىپكەرلەرىنە بەرەمىز جانە مۇنداي باستامالار بۇكىل قالادا قولداۋ تابادى دەپ ۇمىتتەنەمىز، – دەدى ول.
ونىڭ ايتۋىنشا، چەللەندج قالادا ەكولوگيالىق مادەنيەتتى قالىپتاستىرۋدا ماڭىزدى ءرول اتقارادى. ول كاسىپكەرلەردىڭ ىرگەلەس اۋماقتاردىڭ جاي-كۇيى ءۇشىن جاۋاپكەرشىلىگىن ارتتىرۋعا جانە اباتتاندىرۋ ماسەلەلەرىنە جۇرتشىلىقتىڭ نازارىن اۋدارۋعا باعىتتالعان.
الماتىنىڭ كوممۋنالدىق ينفراقۇرىلىمدى دامىتۋ باسقارماسىنىڭ اقپاراتى بويىنشا 5 590 كاسىپكەرلىك وبەكتىسى پاسپورتتاۋعا جاتادى. بۇگىنگى تاڭدا مىڭنان استام كاسىپكەر اباتتاندىرۋ پاسپورتتارىنا قول قويدى. پاسپورتتاۋ جۇمىستارى كەلەسى جىلدىڭ ءساۋىر ايىندا اياقتالادى دەپ كۇتىلۋدە.