"دۋمان"، "كولساي"، "مۇزتاۋ" شاعىناۋداندارى «جاڭا الماتى» جوسپارى اياسىندا ينجەنەرلىك جەلىلەرمەن قامتاماسىز ەتىلدى
بۇل تۋرالى وڭىرلىك كوممۋنيكاسيالار قىزمەتى الاڭىندا وتكەن باسپا ءسوز كونفەرەنسياسى بارىسىندا الماتى قالاسى مەدەۋ اۋدانىنىڭ اكىمى اسەت ماسابايەۆ حابارلادى، دەپ حابارلايدى Almaty-akshamy.kz.
«تازا سۋ ماسەلەسى بۇگىندە الماتىنىڭ بارلىق اۋداندارىنىڭ تۇرعىندارى ءۇشىن وتە ماڭىزدى. مەدەۋ اۋدانىندا سۋمەن جابدىقتاۋ جەلىلەرىن جاڭعىرتۋ بويىنشا بەلسەندى جۇمىستار جۇرگىزىلۋدە. جاڭا جەلىلەردىڭ قۇرىلىسى – بۇل ەڭ الدىمەن ادامداردىڭ ءومىر ءسۇرۋ ساپاسىن جاقسارتۋ بويىنشا جۇمىس»، - دەدى ءا. ماسابايەۆ.
مەدەۋ اۋدانىنىڭ ينفراقۇرىلىمى كەشەندى تۇردە داميتىن بولادى. شەت ايماقتاردىڭ تۇرعىندارى بارلىق كوممۋنالدىق قىزمەتتەرمەن قامتاماسىز ەتىلەدى: سۋ، گاز جانە ەلەكتر.
وسىلايشا، "دۋمان" شاعىناۋدانىندا 19 كم سۋمەن جابدىقتاۋ جانە 25،5 كم سۋ بۇرۋ جەلىلەرىن توسەۋ بويىنشا جۇمىستار اياقتالدى. بۇگىندە 1505 ءۇي سۋمەن جابدىقتاۋ جانە سۋ بۇرۋ جۇيەلەرىنە قوسىلدى. بارلىعى 1586 ءۇي قوسىلادى.
"كولساي" شاعىناۋدانىندا 15 شاقىرىمنان استام ينجەنەرلىك جەلىلەر تارتىلدى، 68 ءۇي سۋعا قوسىلدى، بارلىعى 315 ءۇيدى سۋمەن قامتاماسىز ەتۋ جوسپارلانعان. "مۇزتاۋ" شاعىناۋدانىندا جالپى ۇزىندىعى 16،7 كم سۋمەن جابدىقتاۋ جانە سۋ بۇرۋدىڭ ينجەنەرلىك جەلىلەرىن توسەۋ بويىنشا جۇمىستار جۇرگىزىلدى. كوممۋنالدىق قىزمەتكەرلەر جوسپارىندا 267 ءۇي بار.
اسەت مۇسابايەۆ "كامەنسكوە پلاتو" شاعىناۋدانىندا ينجەنەرلىك جەلىلەر جۇرگىزىلە باستاعانىن، مۇندا جالپى سوماسى 300 ملن تەڭگەگە رەزەرۆۋار سالۋ بويىنشا جۇمىستار جۇرگىزىلىپ جاتقانىن حابارلادى. ۇزىندىعى 15،5 كم جەلىلەردى سالۋ جوسپارلانۋدا، ىسكە اسىرۋ مەرزىمى – 2022 جىل.
الداعى جىلى س. نۇرماعامبەتوۆ، ر. باعلانوۆا، ت. بيگەلدينوۆ، ماڭعىستاۋ، رادلوۆ، تروفيموۆ، ساحارييەۆ، حمەليەۆ، توپوركوۆ، ماكسيموۆ، دومبىرا، باستىر، ورمانوۆ، بازاربايەۆ كوشەلەرىندە سۋ بۇرۋ جەلىلەرىنىڭ قۇرىلىسىنا جسق ازىرلەۋ جوسپارلانۋدا. سونداي-اق، جەرگىلىكتى ورگاندار يشتۆان قوڭىر، تايروۆ، كارىمبايەۆ-1 جانە كارىمبايەۆ-2 كوشەلەرىندە تۇراتىن "دۋمان" شاعىناۋدانىنىڭ (81 ءۇي) تۇرعىندارىن سۋعا قوسۋدى جوسپارلاپ وتىر.
سونىمەن قاتار، كەرەي-جانىبەك حاندار كوشەسىندەگى №44 باستاۋعا كوتەرىلەتىن نس-1 (سورعى ستانسياسى) جەراستى كوزدەرىمەن سۋ تارتۋ يماراتىنىڭ قۇرىلىسى ءجۇرىپ جاتىر. سونداي-اق، تاتىبەكوۆ كوشەسىنىڭ بويىندا پاراللەل كوشەلەردى قوسا وتىرىپ، كارىز جەلىلەرىن سالۋ بويىنشا جسق ازىرلەۋ جوسپارلانۋدا.
ءسوزىنىڭ سوڭىندا مەدەۋ اۋدانىنىڭ اكىمى "كەڭساي"، "سۇلۋساي" جانە "4 بىرلەستىك" شاعىناۋداندارىندا 1023 ءۇيدىڭ گازعا قوسىلعانىن حابارلادى.