الماتى قالاسى مەدەۋ اۋدانىنىڭ اكىمى اسەت ماسابايەۆ وڭىرلىك كوممۋنيكاسيالار قىزمەتى الاڭىندا اۋداننىڭ 2021 جىلعى ينفراقۇرىلىمدىق دامۋى تۋرالى ايتىپ بەردى
اسەت ماسابايەۆتىڭ ايتۋىنشا، بيىل مەدەۋ اۋدانىندا ۇزىندىعى 52،9 كم بولاتىن 45 كوشەدە ورتاشا جوندەۋ جۇمىستارى جۇرگىزىلگەن. بۇل رەتتە كەشەندى جول جوندەۋ تەك ءجۇرىس بولىگىندەگى جوندەۋ جۇمىستارىن عانا ەمەس، تروتۋارلاردى ۇيىمداستىرۋدى دا قامتيدى. كەلەسى جىلى جالپى ۇزىندىعى 30 كم بولاتىن 32 كوشەنى ورتاشا جوندەۋگە ءوتىنىم بەرىلگەن، دەپ حابارلايدى Almaty-akshamy.kz
اسەت مۇسابايەۆ سونداي-اق بۇقتىرما كوشەسى مەن قۇلجا تراكتىسى قيىلىسىندا سالىنىپ جاتقان كولىك ايرىعىندا ەستاكادا بويىنشا قوزعالىس اشىلعانىن حابارلادى. قۇلجا تراكتىسى بويىنشا ەكى باعىتتا كولىك قوزعالىسى ۇيىمداستىرىلدى.
اۋدان اكىمى قالادا اباتتاندىرۋ ءتاسىلى وزگەرگەنىن، سوڭعى جىلدارى «بيۋدجەتكە قاتىسۋ» باعدارلاماسى جۇمىس ىستەپ تۇرعانىن، سونىڭ ارقاسىندا تۇرعىندار مەگاپوليستىڭ سىرتقى كەلبەتىن وزگەرتۋگە قابىلەتتى قانداي دا ءبىر جوبانى ىسكە اسىرۋعا داۋىس بەرە الاتىنىن اتاپ ءوتتى.
2021 جىلى باعدارلاما اياسىندا نازاربايەۆ داڭعىلى 176، 264، دوستىق داڭعىلى 95، 109، 111، "سامال" شاعىناۋدانى 1،2،3، ەلەبەكوۆ كوشەسى 29، ابدۋلليندەر كوشەسى 49، 28 گۆاردياشىل-پانفيلوۆشىلار اتىنداعى ساياباقتا، نۇسىپبەكوۆ كوشەسى 19، پۋشكين كوشەسى 3 بويىنشا تەرەڭدەتىلگەن ۇلگىدەگى 50 كونتەينەر الاڭى ورناتىلدى.
سونىمەن قاتار، تۇرعىنداردىڭ داۋىس بەرۋ ناتيجەلەرى بويىنشا ماقاتايەۆ كوشەسى مەن مامەتوۆا كوشەسى اراسىنداعى تولەبايەۆ كوشەسىندەگى جاياۋ جۇرگىنشىلەر ايماعىنا، ابىلعازى وزەنى ارقىلى وتەتىن پاندۋستارى بار جاياۋ جۇرگىنشىلەر كوپىرى مەن باسپالداققا، "الاتاۋ" شاعىناۋدانىنداعى سەرۋەندەۋ ايماعىنا اعىمداعى جوندەۋ، شوقاي كوشەسى بويىنشا تروتۋاردى، ۆواد بويىنشا جاياۋ جۇرگىنشىلەر جولىن جوندەۋ، "الاتاۋ" شاعىناۋدانىنداعى ارداگەرلەر اللەياسىن، مەديسينا قىزمەتكەرلەرى اللەياسىن جوندەۋ جۇرگىزىلدى. سونداي-اق، «بيۋدجەتكە قاتىسۋ» باعدارلاماسى اياسىندا لۋگانسكيي كوشەسىنىڭ بويىندا 70 جانە 80 ۇيلەر اراسىندا سكەيت-الاڭدار، تولە بي كوشەسىنىڭ بويىندا پاركۋر الاڭدارى، ورمانوۆ كوشەسىندە "دۋمان" جابىق سپورت الاڭى، قۇماي كوشەسىندە بالالار مەن سپورت الاڭدارى ورناتىلدى. 2022 جىلى تاعى 20 جوبانى جۇزەگە اسىرۋ جوسپارلانۋدا.
سونىمەن قاتار، اۋداندا 273 كوشەنىڭ جارىقتاندىرىلۋى جاڭارتىلىپ، 10 614 شام ورناتىلدى. اۋدان اكىمى بيىل 60 اۋلا اۋماعىنا اعىمداعى جوندەۋ جۇرگىزىلگەنىن ايتتى. جۇمىستار اياسىندا شاعىن ساۋلەت نىساندارىن بوياۋ جۇمىستارى جۇرگىزىلدى، شامدار اۋىستىرىلدى، رەزەڭكە جابىندار توسەلدى، اعاشتاردى سانيتارلىق كەسۋ جۇرگىزىلدى، ۆوركاۋت سناريادتارى مەن كۇشتىك ترەناجەرلەر ورناتىلدى. كەلەسى جىلى 40 اۋلانى اعىمداعى جوندەۋگە ءوتىنىم بەرىلدى. سوڭىندا ول "سامال-2" شاعىناۋدانىنداعى ءال-فارابي داڭعىلى بويىنداعى 22 ءۇيدىڭ قاسبەتتەرىن جوندەۋ جانە 57 مىڭنان استام اعاش وتىرعىزۋ تۋرالى باياندادى.