الماتى قالاسى مەدەۋ اۋدانى اكىمىنىڭ ورىنباسارى ايدوس نۇرلىبايەۆ وڭىرلىك كوممۋنيكاسيالار قىزمەتىنىڭ بريفينگىندە ءبىلىم بەرۋ جۇيەسىنىڭ جۇمىسى تۋرالى ايتىپ بەردى.
سپيكەردىڭ ايتۋىنشا، مەدەۋ اۋدانىنىڭ ءبىلىم بەرۋ جۇيەسى جالپى كونتينگەنتى 30 378 وقۋشىنى قۇرايتىن 28 مەملەكەتتىك جانە 19 جەكەمەنشىك مەكتەپتەردەن تۇرادى، دەپ حابارلايدى Almaty-akshamy.kz
دەگەنمەن، وقۋشى ورىندارىنىڭ تاپشىلىعى بايقالادى، بۇل 4 مىڭنان استام ورىن.
«دەگەنمەن، وقۋشى ورىندارىنىڭ تاپشىلىعى بايقالادى. ول 4 مىڭنان استام، اسىرەسە، جاقسى كورسەتكىشتەرى بار №12، 35، 56، 131، 159 مەكتەپتەر ورنالاسقان اۋدان ورتالىعىندا سەزىلەدى، وندا بۇگىنگى تاڭدا كوپ پاتەرلى ۇيلەر قارقىندى سالىنۋدا»، - دەپ سانايدى ا. نۇرلىبايەۆ.
وسىعان بايلانىستى، 2020 جىلى №172 مەكتەپ-گيمنازياسىندا 850 ورىندى قوسالقى عيمارات پايدالانۋعا بەرىلدى. "الاتاۋ" شاعىناۋدانداعى №7 مەكتەپتى سەيسميكالىق كۇشەيتۋگە بايلانىستى كۇردەلى جوندەۋ جۇمىستارى اياقتالدى.
سونداي-اق، №48 مەكتەپ عيماراتى مەن №131 ليسەيگە كۇردەلى جوندەۋ جۇرگىزىلۋدە. سوڭعى 2 جىلدا جەكە ينۆەستورلار ەسەبىنەن 10-عا جۋىق جەكە مەكتەپ سالىنىپ، پايدالانۋعا بەرىلدى. وسى جوبالاردىڭ بارلىعىن ىسكە اسىرۋ اۋداننىڭ ورتالىق بولىگىندە وقۋشى ورىندارىنىڭ تاپشىلىعىن 30%-عا تومەندەتۋگە مۇمكىندىك بەردى.
«وقۋشى ورىندارىنىڭ تاپشىلىعىن تومەندەتۋ ءۇشىن جوبالىق قۋاتى 600 ورىندى №4 مەكتەپ، 900 ورىندى №161 مەكتەپ جانە جوبالىق قۋاتى 600 ورىندى №35 گيمنازيا عيماراتتارىنا قوسىمشا قۇرىلىستار سالۋ ماسەلەسى پىسىقتالۋدا»، - دەپ جالعاستىردى مەدەۋ اۋدانى اكىمىنىڭ ورىنباسارى.
سونىمەن قاتار، ول 20 تامىزدان باستاپ جىل سايىنعى «مەكتەپكە جول» اكسياسى باستالعانىن اتاپ ءوتتى. جوبا اياسىندا از قامتىلعان جانە كوپبالالى وتباسىلاردان شىققان 400 بالا، سونداي-اق جەتىم بالالار مەن اتا-اناسىنىڭ قامقورلىعىنسىز قالعان بالالار مەكتەپ فورماسى مەن كەڭسە تاۋارلارىن الدى.
مەكتەپكە دەيىنگى ءبىلىم بەرۋگە كەلەتىن بولساق، اۋداندا بالاباقشالارعا قاجەتتىلىك بار. اۋداننىڭ مەكتەپكە دەيىنگى ءبىلىم بەرۋ ۇيىمدارىنىڭ جەلىسى 18 بالاباقشا مەن 82 جەكەمەنشىك بالاباقشادان تۇرادى. تاربيەلەنۋشىلەردىڭ جالپى سانى 6440 بالا.
وكق سپيكەرىنىڭ حابارلاۋىنشا، ءاربىر بالاباقشادا جوبالىق قۋاتتىلىقتى 50 ورىنعا ۇلعايتا وتىرىپ، №141، №114، 116 بالاباقشالاردا كۇردەلى جوندەۋ جۇمىستارى اياقتالدى. سونىمەن قاتار، ەگەر 2021 جىلى جەكە ينۆەستورلار ەسەبىنەن جالپى جوبالىق قۋاتى 306 ورىندى 6 بالاباقشا اشىلسا، وسى جىلدىڭ باسىنان باستاپ جالپى جوبالىق قۋاتى 367 ورىندى 7 بالاباقشا اشىلدى. جوعارىدا كورسەتىلگەن پروبلەمالار جوسپارلى تۇردە عيماراتتار مەن جەر ۋچاسكەلەرىن جەكە مەنشىك يەلەرىنەن سالۋ نەمەسە ساتىپ الۋ جولىمەن شەشىلەتىن بولادى.
«حالىق تىعىزدىعىنىڭ جوعارى بولۋىنا جانە بوس جەر ۋچاسكەلەرىنىڭ بولماۋىنا بايلانىستى مەدەۋ اۋدانىنداعى الەۋمەتتىك ينفراقۇرىلىمنىڭ جاي-كۇيى وزەكتى ماسەلە بولىپ تابىلادى. مەديسينالىق قىزمەتتەرمەن قادامدىق قولجەتىمدىلىكتە "كەڭساي"، "كولساي"، "سۇلۋساي" شاعىناۋداندارى قامتىلماعان. 8 مىڭنان استام تۇرعىندار 10 كم جەردە ورنالاسقان №5 كلينيكالىق اۋرۋحانا جانىنداعى ەمحاناعا جانە №2 ەمحاناعا جۇگىنەدى. 100 كەلۋشىگە ارنالعان جاڭا وتباسىلىق-دارىگەرلىك امبۋلاتوريا اشۋ ءۇشىن كەڭساي تۇرعىندارى ءۇشىن عيمارات ساتىپ الىندى، قاراجات ءبولىندى. عيماراتتى جوندەۋ جىل سوڭىنا دەيىن جۇزەگە اسىرىلادى»، - دەپ تۇيىندەدى ا. نۇرلىبايەۆ.