انتيسيكلون اسەرىنەن اۋا رايى سالقىندايدى.
«قازگيدرومەت» ماماندارى 10-12 قىركۇيەك كۇندەرى اۋا رايىن قانداي بولاتىنىن بولجادى، دەپ حابارلايدى Almaty-akshamy.kz.
«سكانديناۆيا تۇبەگىنىڭ اۋدانىنان جىلجىعان انتيسيكلون قازاقستان اۋماعىنا اۋىسا وتىرىپ، كۇزدىڭ سۋىق اۋا رايىن قامتاماسىز ەتەدى. اتموسفەرالىق فرونتالدى بولىكتەردىڭ وتۋىمەن، 11-12 قىركۇيەكتە جاۋىن-شاشىننىڭ ىقتيمالدىعى رەسپۋبليكانىڭ باسىم بولىگىندە بايقالادى: ەلدىڭ سولتۇستىگىندە، شىعىسىندا، وڭتۇستىك-شىعىستىڭ تاۋلى اۋداندارىندا قاتتى جاڭبىر جاۋىپ، جەلدىڭ كۇشەيۋى جانە بۇرشاقتىڭ جاۋۋى بولجانادى. 10-12 قىركۇيەكتە باتىستا، 10 قىركۇيەكتە شىعىستا، 11-12 قىركۇيەكتە سولتۇستىك-باتىستا، 12 قىركۇيەكتە سولتۇستىك جانە ورتالىقتا تۇندە توپىراق بەتىندە 1-3 گرادۋس ۇسىك كۇتىلەدى»،- دەلىنگەن سينوپتيكتەردىڭ بولجامىندا.