بۇل تۋرالى الماتى قالاسىنىڭ اكىمى ەربولات دوسايەۆ مالىمدەدى، دەپ حابارلايدى اlmaty-akshamy.kz.
2023 جىلدىڭ قاڭتار ايىندا "كەڭساي" شاعىناۋدانىندا اۋىسىمىنا 200 ادام قابىلدايتىن 1 وتباسىلىق-دارىگەرلىك امبۋلاتوريا جانە
"كولساي" مەن "سۇلۋساي" شاعىناۋداندارىندا 2 فەلدشەرلىك-امبۋلاتوريالىق پۋنكت اشىلدى. بۇل 15 مىڭنان استام تۇرعىندى مەديسينالىق قىزمەتپەن قامتاماسىز ەتۋگە مۇمكىندىك بەردى.
"الاتاۋ" شاعىناۋدانىنىڭ شالعاي ورنالاسۋىنا جانە وسى اۋرۋحاناعا تىركەلگەن حالىق سانىنا (10 مىڭنان استام) بايلانىستى 2022 جىلدىڭ جەلتوقسان ايىندا اكىمدىك الاتاۋ قالالىق اۋرۋحاناسىنا جاڭا كومپيۋتەرلىك توموگرافى بار مەديسينالىق مودۋل ورناتىپ بەردى. بۇل شاعىناۋداننىڭ تۇرعىندارىنا دياگنوستيكالىق زەرتتەۋلەردىڭ اۋقىمدى تۇرلەرىن ساپالى ءارى جاقىن جەردەن الۋعا مۇمكىندىك بەرەدى.