اۋداننىڭ جول جانە كولىك ينفراقۇرىلىمىن جەتىلدىرۋ جۇمىستارى قارقىندى جۇرگىزىلۋدە.
بۇل تۋرالى الماتى قالاسىنىڭ اكىمى ەربولات دوسايەۆتىڭ مەدەۋ اۋدانى تۇرعىندارىمەن وتكەن كەزدەسۋىندە ايتىلدى، دەپ حابارلايدى Almaty-akshamy.kz.
2022 جىلى 27 كم-دەن استام جولعا ورتاشا جوندەۋ، سونداي-اق 32،5 مىڭ شارشى مەتر جولعا اعىمداعى جوندەۋ جۇرگىزىلدى، 18 كم-دەن استام تروتۋار جايلاستىرىلدى.
2023 جىلى 37 كوشەدەگى 32 كم-دەن استام جولدى ورتاشا جوندەۋ، سونداي-اق 50 مىڭ شارشى مەتر جولدى اعىمداعى جوندەۋ جانە 16 كوشەدە 18،5 كم تروتۋار سالۋ جوسپارلانعان.
«مەدەۋ اۋدانىندا قوعامدىق كولىك جۇمىسىنىڭ ساپاسىن جاقسارتۋ ءۇشىن 2022 جىلى قالالىق تاسىمالداۋشىلار 225 جاڭا اۆتوبۋس ساتىپ الدى. وسىلايشا، 20 مارشرۋتتاعى اۆتوبۋستار جاڭارتىلىپ، ءبىر جاڭا مارشرۋت ىسكە قوسىلدى (№100).
بيىل 8 مارشرۋتتا 126 اۆتوبۋستى جاڭارتۋعا نيەتتىمىز. جاڭا اۆتوبۋستاردىڭ ساتىپ الىنۋىنا قاراي جۇمىس جىل سوڭىنا دەيىن جوسپارلى تۇردە جۇرگىزىلەدى»، - دەدى قالا اكىمى ە.دوسايەۆ.