2024 جىلى مەدەۋ اۋدانىنىڭ بيۋدجەتى 34،2%-عا ۇلعايدى
2024 جىلى مەدەۋ اۋدانىنىڭ بيۋدجەتى 12،8 ملرد تەڭگەدەن 37،4 ملرد تەڭگەگە نەمەسە 34،2%-عا ۇلعايتىلدى. بۇل تۋرالى قالا اكىمى ەربولات دوسايەۆ اۋدان تۇرعىندارىمەن كەزدەسۋدە مالىمدەدى، دەپ حابارلايدى aqshamnews.kz
مەگاپوليس باسشىسى قاراجات اۋدان تۇرعىندارىنىڭ الەۋمەتتىك جانە ينفراقۇرىلىمدىق ماسەلەلەرىن شەشۋگە جۇمسالاتىنىن اتاپ ءوتتى. مەدەۋ اۋدانى — مەگاپوليستەگى ەڭ ۇلكەن اۋماق، ول الماتىنىڭ قارجى ءارى بيزنەس ورتالىعى. اۋدان اۋماعىندا 45 مىڭنان استام بيزنەس سۋبەكتىلەرى بەلسەندى جۇمىس ىستەيدى. ولار وسى جىلدىڭ 7 ايىنىڭ قورىتىندىسى بويىنشا بيۋدجەتكە 250 ملرد تەڭگەدەن استام قارجى قۇيدى.
بيىل قاڭتار-شىلدە ايلارى ارالىعىندا اۋداندا قۇرىلىس جۇمىسىنىڭ كولەمى 13،3%-عا ۇلعايدى، نەگىزگى كاپيتالعا سالىنعان ينۆەستيسيالار 12،5%-عا ءوسىپ، 133 ملرد تەڭگەگە جەتتى. ەكونوميكانىڭ قارقىندى دامۋى 4 387 جاڭا جۇمىس ورنىن قۇرۋعا مۇمكىندىك بەردى.
