8 اقپاندا ساعات 02.20-دا الماتى قالاسى مەدەۋ اۋدانىنىڭ تاۋ-سامال شاعىن اۋدانىندا الدىن الا اقپارات بويىنشا تەحنوگەندىك سيپاتتاعى توپىراقتىڭ ىلعالدانۋىنان جىلجىمانىڭ تۇسكەندىگى تۋرالى اقپارات كەلىپ ءتۇستى.
الماتى اكىمى ەربولات دوسايەۆ لاي كوشكىنى بولعان جەرگە كەلدى.
قۇتقارۋ جۇمىستارىنا «قازسەلدەنقورعاۋ» مم، الماتى قالاسىنىڭ «109 قۇتقارۋ قىزمەتى» مم، رەسپۋبليكالىق جەدەل-قۇتقارۋ جاساعى، الماتى قالاسى تجد، تجم 28237اسكەري بولىمىنەن، جەدەل مەديسينالىق كومەك بريگاداسىنان، مەدەۋ اۋدانىنىڭ اكىمدىگىنەن 160-تان استام ادام جانە 30 بىرلىك تەحنيكا جۇمىلدىرىلدى.
اقپاراتقا سايكەس، لاي باسقان ۇيلەردە ءتورت ادام، ونىڭ ىشىندە ەكى بالا بولعان.
الدىن الا مالىمەت بويىنشا 3200 تەكشە مەتر بولاتىن كوشكىن تۇسكەن.
تجد كۇشتەرى ىزدەۋ جۇمىستارىن جالعاستىرۋدا.