وسى جىلى ۇساق جول-كولىك وقيعالارىن “جەڭىلدەتىلگەن تىركەۋدى” جۇزەگە اسىرۋ اياسىندا جۇرگىزۋشىلەرگە ىڭعايلى بولۋ ءۇشىن “ەۋروحاتتاما” ءموبيلدى قوسىمشاسى ەنگىزىلدى.
قازاقستان رەسپۋبليكاسى قارجى نارىعىن رەتتەۋ جانە دامىتۋ اگەنتتىگى “ساقتاندىرۋ نارىعىن جانە باعالى قاعازدار نارىعىن، بانك قىزمەتىن رەتتەۋ مەن دامىتۋ ماسەلەسى بويىنشا قازاقستان رەسپۋبليكاسىنىڭ كەيبىر زاڭنامالىق اكتىلەرىنە وزگەرىستەر مەن تولىقتىرۋلار ەنگىزۋ تۋرالى” قازاقستان رەسپۋبليكاسىنىڭ 2022 جىلعى 12 شىلدەدەگى № 138-VII زاڭىن ىسكە اسىرۋ شەڭبەرىندە 2024 جىلعى 1 قاڭتاردان باستاپ جەڭىل جكو كەزىندە كولىك قۇرالدارىن مىندەتتى ساقتاندىرۋ بويىنشا ساقتاندىرۋ تولەمدەرىن وڭدەۋدىڭ وڭايلاتىلعان ءتارتىبى ەنگىزىلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
وسىعان وراي، “ەۋروحاتتاما” ارنايى ءموبيلدى قوسىمشاسى ازىرلەندى، قوسىمشا ارقىلى قولدانۋشىلار ساقتاندىرۋ ۇيىمىنا ونلاين ءوتىنىش بەرە الادى، بيومەتريالىق سايكەستەندىرۋدەن ءوتىپ، سيفرلىق قۇجاتتاردى، فوتو جانە بەينەماتەريالداردى قوسا الادى، سونىڭ نەگىزىندە ساقتاندىرۋ ۇيىمدار جابىرلەنۋشىنىڭ بانكتىك شوتىنا تولەم جاسايدى. بۇل پروسەدۋرا جول-كولىك وقيعاسىنا قاتىسۋشىلاردىڭ سانى 2-دەن اسپاسا، كەلتىرىلگەن زالال مولشەرى 100 اەك-تەن اسپاسا، ءۇشىنشى تۇلعالاردىڭ دەنساۋلىعى مەن مۇلكىنە زيانى بولماسا، ەكى قاتىسۋشىنىڭ دا اۆتوكولىكتى مىندەتتى ساقتاندىرۋ ءپوليسى بولسا، وسى ءتارتىپتى قولدانۋعا بولادى. سونداي-اق ەكى جاقتىڭ كەلىسىمىمەن، بىرەۋى كىناسىن مويىنداعان جاعدايدا. ءوز كەزەگىندە بۇل ءتارتىپتى پايدالانعان تۇلعالار جكو جاساعانى ءۇشىن اكىمشىلىك جاۋاپكەرشىلىكتەن بوساتىلادى. “ەۋروحاتتاما” – جۇرگىزۋشىلەردى پوليسيا قىزمەتكەرلەرىنىڭ جانە سوتتىڭ قاتىسۋىنسىز جەڭىل جول-كولىك وقيعالارىن (بۇدان ءارى – جكو) وڭاي جولمەن تىركەۋ. انىقتاما ءۇشىن: ەۋروحاتتامانىڭ شىققان جەرى – فرانسيا.
بۇل جۇيە گەرمانيا، بەلگيا، گرەسيا، يتاليا، پورتۋگاليا، يسپانيا جانە باسقا ەلدەردە كەڭ تارالعان. تمد ەلدەرىندە ەۋروحاتتاما رەسەيدە، بەلارۋستە، ۋكراينادا، ارمەنيادا جانە وزبەكستاندا ەنگىزىلدى. ەۋروحاتتاما قولدانۋ شارتتارى: – جكو نەبارى 2 كولىك قاتىسسا؛ – جكو ومىرگە نەمەسە دەنساۋلىققا زيان كەلتىرمەگەن جانە ءۇشىنشى تۇلعالاردىڭ مۇلكىنە زيان كەلتىرمەگەن بولسا؛ – جكو قاتىسۋشىلارىنىڭ ءوزارا كەلىسىمى بولىپ، ولاردىڭ ءبىرى كىناسىن مويىنداسا؛ – جكو قاتىسۋشىلارىنىڭ مىندەتتى اۆتوكولىكتى ساقتاندىرۋ ءپوليسى بار بولۋى كەرەك؛ – كەلتىرىلگەن زالال مولشەرى 100 اەك نەمەسە 369 مىڭ تەڭگەدەن اسپاسا. كۇتىلەتىن ناتيجە: – ازاماتتاردىڭ جكو تىركەۋگە (15-20 مينۋت كەتەدى) جانە ساقتاندىرۋ تولەمدەرىن الۋعا (5 كۇن ىشىندە تولەۋ) ۋاقىتىن ۇنەمدەۋ.
قانداي ارتىقشىلىقتار بار: بىرىنشىدەن، ازاماتتار بۇدان بىلاي ۇساق جكو وڭدەۋ ءۇشىن كەپتەلىستە پوليسەيلەردى كۇتۋدىڭ قاجەتى جوق. تيىسىنشە، كولىك كەپتەلىسى دە ازايادى. ەكىنشىدەن، مۇنداي بۇزۋشىلىقتار ءۇشىن جۇرگىزۋشىلەر ەندى اكىمشىلىك جاۋاپكەرشىلىككە تارتىلمايدى. بۇعان دەيىن جىل سايىن سوتپەن ماتەريالدىق شىعىن اكەلگەن جول-كولىك وقيعاسى سالدارىنان 32 مىڭعا جۋىق جۇرگىزۋشىگە ايىپپۇل سالىنىپ نەمەسە كولىك باسقارۋ قۇقىعىنان ايىرىلعان. ۇشىنشىدەن، ساقتاندىرۋ تولەمدەرىنىڭ مەرزىمى حاتتاما جاساۋدان باستاپ سوت شەشىمى زاڭدى كۇشىنە ەنگەنگە دەيىنگى سوت راسىمدەرىن جويۋ ارقىلى قىسقارتىلادى. بۇرىن مۇنىڭ بارلىعى 60 كۇنگە دەيىن سوزىلۋى مۇمكىن بولسا، ءقازىر تىركەلگەن ساتتەن باستاپ تولەمدەردى العانعا دەيىن شامامەن 5 كۇن كەتەدى.
قۇقىق بۇزۋشىلار مەن جابىرلەنۋشىلەردى ساقتاندىرۋ ۇيىمدارىنا جىبەرۋ ءۇشىن ماتەريالداردىڭ كوشىرمەلەرىن الۋ ءۇشىن ىشكى ىستەر ورگاندارىنا بارۋ قىسقارادى. بۇگىنگى تاڭدا “ەۆروپروتوكول” ءموبيلدى قوسىمشاسى ارقىلى 115 جول-كولىك وقيعاسى تىركەلدى. بۇل جۇيەنى ەنگىزۋ پوليسيا مەن تۇرعىندار اراسىنداعى ءوزارا ءىس-قيمىلدى بيۋروكراتياسىزداندىرۋدىڭ تاعى ءبىر قادامى.