بيىل مەدەۋ اۋدانىندا جاڭا وقۋ ورىندارىن قۇرۋ جانە جۇمىس ىستەپ تۇرعان مەكتەپتەردىڭ جاعدايىن جاقسارتۋ بويىنشا جۇيەلى جۇمىس جالعاسىپ كەلەدى. سوڭعى جىلدارى اۋدان مەكتەپتەرىندە 4 368 وقۋشى ورنى جەتىسپەگەن. اۋدان اكىمى ەركەبۇلان ورازالين وڭىرلىك كوممۋنيكاسيالار قىزمەتىندە وتكەن باسپا ءسوز ءماسليحاتىندا بۇل ماسەلەنى شەشۋ اۋدان اكىمدىگىنىڭ باسىم باعىتتارىنىڭ ءبىرى ەكەنىن ايتتى.
بيىل №220 مەكتەپتىڭ 2 000 ورىنعا ارنالعان جاڭا عيماراتى، نازاربايەۆ زياتكەرلىك مەكتەبىنە 320 ورىندىق قوسىمشا نىسان جانە 599 ورىندىق «Joo School Medeu» جەكەمەنشىك مەكتەبى پايدالانۋعا بەرىلدى. سونىمەن قاتار، №99 (250 ورىن) جانە №35 (300 ورىن) مەكتەپتەرىنە قوسىمشا عيماراتتار سالۋ جۇمىستارى اياقتالۋعا جاقىن. وسىلايشا، بيىل اۋدان بويىنشا 3 469 جاڭا وقۋشى ورنى اشىلادى.
بۇدان بولەك، 2026 جىلدىڭ سوڭىنا دەيىن تاعى بەس جوبا جۇزەگە اسىرىلماق: №30، №56 جانە №17 مەكتەپتەرىنە كۇردەلى جوندەۋ جۇرگىزۋ، №131 مەكتەپ-ليسەيىن 300 ورىنعا سالۋ جانە 1 200 ورىندىق «MG City» ءبىلىم بەرۋ كەشەنىن تۇرعىزۋ جوسپارلانعان. سونداي-اق، №168 جانە №47 مەكتەپتەرگە ارنالعان جوبالىق-سمەتالىق قۇجاتتاما ازىرلەنىپ جاتىر، ولاردىڭ ءارقايسىسى 300 ورىنعا ەسەپتەلگەن.
وسىلايشا، مەدەۋ اۋدانى وقۋشى ورىندارىنىڭ تاپشىلىعىن كەزەڭ-كەزەڭىمەن شەشىپ، بالالاردىڭ زاماناۋي مەكتەپتەردە جايلى جاعدايدا ءبىلىم الۋىن قامتاماسىز ەتەدى.