ساپالى زاڭ بولادى.
قازاقستاننىڭ اقپارات جانە قوعامدىق دامۋ ءمينيسترى دارحان ءقىدىرالى ب ا ق تۋرالى جاڭا زاڭ جوباسىندا جۋرناليستەردىڭ مارتەبەسىن كوتەرۋ ماسەلەسى قامتىلاتىنىن ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
بۇگىن پارلامەنت ماجىلىسىندەگى باسپا ءسوز ءماسليحاتىندا تىلشىلەر مينيستردەن ب ا ق تۋرالى جاڭا زاڭ جوباسىن ازىرلەۋ مەن جۋرناليستەردىڭ مارتەبەسى تۋرالى سۇراق قويدى.
«بۇل ماسسمەديا تۋرالى زاڭ جوباسىنا ەرەكشە ءمان بەرىپ وتىرمىز. وسى ورايدا جۇمىس توپتارى حالىقارالىق ۇيىمدارمەن، ساراپشىلار كەڭىنەن تالقىلاۋ جۇرگىزەدى. جۋىق ارادا ونى پورتالعا شىعارامىز»، - دەدى د. ءقىدىرالى.
بۇل تۇرعىدا جۋرناليستەرگە مارتەبە بەرۋ ماسەلەسىن، اقپارات الۋ مۇمكىندىگىن جەڭىلدەتۋ، سونداي-اق تىلشىلەردىڭ جۇمىستارىنا قاتىستى كوپتەگەن ارتىقشىلىق قاراستىرىلىپ وتىر.
«سوندىقتان ماسسمەديا تۋرالى زاڭ جوباسى جۋرناليستەردىڭ قۇقىعىن قورعاۋعا باعىتتالعان. حالىقارالىق ۇيىمدارمەن پىكىر الماسىپ جاتىرمىز، ۇزدىك تاجىريبەلەردى نازارعا الامىز. اتاپ ايتقاندا، ساپالى زاڭ بولادى دەپ ويلايمىن»، - دەدى مينيستر.
بۇدان بۇرىن حابارلانعانداي، بيىل قازان ايىندا اقپارات ءمينيسترى ب ا ق تۋرالى جاڭا زاڭ جوباسىندا ءبىرشاما جاڭاشىلدىق بار ەكەنىن ايتقان ەدى.