الماتىلىق پوليسەيلەر سىبايلاس جەمقورلىققا ءبىر تابان جاقىن

وسى جىلدىڭ قاڭتار-قازان ايلارىنىڭ قورىتىندىسىندا ىشكى ىستەر ورگاندارىنىڭ 123 قىزمەتكەرى جەمقورلىق ىسىمەن ۇستالعان.

بۇل بىلتىرعىدان 12،1 پايىزعا تومەن، دەپ حابارلايدى Almaty-akshamy.kz قازاقپاراتقا سىلتەمە جاساپ. 

Finprom.kz پورتالىنىڭ دەرەگىنشە، سىبايلاس جەمقورلىق قىلمىس جاساعان ىشكى ىستەر ورگاندارى قىزمەتكەرلەرىنىڭ جارتىسىنا جۋىعى پارا الۋ كەزىندە ۇستالدى: 61 قىزمەتكەر، بىلتىرعىدان 7 پايىزعا كوپ.

تاعى 33،3 پايىزى سىبايلاس جەمقورلىققا قاتىستى الاياقتىقپەن قولعا ءتۇستى: 41 ادام، ءبىر جىلدا بىردەن 24،2 پايىزعا كوبەيگەن. 8 ادام قىزمەتتىك وكىلەتتىكتەرىن تەرىس پايدالانعانى ءۇشىن، 7 ادام پارا بەرۋ كەزىندە، 2 ادام بيلىگىن نەمەسە لاۋازىمدىق وكىلەتتىگىن اسىرا پايدالانعانى، پارا الۋعا دەلدالدىق جاساعانى، سونداي-اق قىزمەتتەگى ارەكەتسىزدىگى ءۇشىن ۇستالدى.

وڭىرلەر بويىنشا سىبايلاس جەمقورلىققا جول بەرگەن شەنەۋنىكتەردىڭ باسىم بولىگى - ىشكى ىستەر ورگاندارى قىزمەتكەرلەرى الماتىدا (ءبىر جىل بۇرىنعىداي 15 ادام) جانە تۇركىستان وبلىسىندا (15 ادام، ءبىر جىل بۇرىن 6 ادام بولعان) تىركەلدى. ودان كەيىن سولتۇستىك قازاقستان (14 ادام)، اقتوبە (11 ادام) جانە قاراعاندى (10 ادام) وبلىستارى تۇر.

ىشكى ىستەر ورگاندارىنداعى جەمقورلار ەلىمىزدىڭ 20 ءوڭىرىنىڭ 17-سىندە بار.