جۇمىس توبى جۋرناليستەر قاۋىمىنىڭ ۇسىنىس پىكىرلەرىن ەسكەرە كەلە، زاڭ جوباسىنا ءبىراز وزگەرىستەر ەنگىزگەن.
ول جايىندا بۇگىن ونلاين كونفەرەنسيا بارىسىندا اقپارات جانە قوعامدىق دامۋ مينيسترلىگىنىڭ دەپارتامەنت ديرەكتورى جاسۇلان ومىرعالييەۆ جان-جاقتى تۇسىنىك بەردى، دەپ حابارلايدى Almaty-akshamy.kz 24.kz-كە سىلتەمە جاساپ.
جۋرناليستەردىڭ مەملەكەتتىك ءىس-شارالارعا ەش كەدەرگىسىز وتۋىنە قوسىمشا جەڭىلدىك رەتىندە بەرىلەتىن باسپا ءسوز كارتاسىنا قاتىستى كوپ سىن ايتىلعان. سوعان بايلانىستى جاڭا زاڭ جوباسىندا بۇل كارتانى ۋاكىلەتتى ورگان جانىنداعى كوميسسيا بەرەدى دەگەن باپ الىنىپ تاستالدى. سونداي-اق ەندى ەرەكشە جاعدايلار تۋرالى نورما، سەنزۋرا بولمايدى. بۇقارالىق اقپارات قۇرالدارىنا بولىنەتىن گرانتتىڭ ۇزاق جانە قىسقا مەرزىمدى ەكى ءتۇرى قالدىرىلعان جانە ونى كىم، قانداي ماقساتقا العاندىعى پورتالدا اشىق كورسەتىلەدى.
«ماسس-مەديا تۋرالى» زاڭ جوباسىنىڭ جاڭا نۇسقاسى ءتيىستى ورگانداردىڭ ساراپتاماسىنان وتكەننەن كەيىن، پارلامەنت قاراۋىنا جىبەرىلەدى.