الماتىلىقتار مەگاپوليستىڭ بارلىق سەگىز اۋدانىندا بىركەلكى ورنالاسقان 602 سايلاۋ ۋچاسكەسىندە داۋىس بەرە الادى.
بۇل تۋرالى وڭىرلىك كوممۋنيكاسيالار قىزمەتىندە وتكەن بريفينگتە الماتى قالالىق اۋماقتىق سايلاۋ كوميسسياسىنىڭ ءتورايىمى ايگۇل قالىقوۆا ءمالىم ەتتى، دەپ حابارلايدى Almaty-akshamy.kz
تۇركسىب اۋدانىنداعى № 440 (ق ر ۇقك شەكارا قىزمەتىنىڭ الماتى وبلىسى بويىنشا دەپارتامەنتىنىڭ اسكەري بولىمىندە ورنالاسقان) ءبىر سايلاۋ ۋچاسكەسى داۋىس بەرۋشىلەردىڭ سول جەردە بولماۋىنا بايلانىستى جۇمىسىن توقتاتقانى بەلگىلى بولدى. ءتيىستى شەشىمدى بولىمشە كومانديرىنىڭ ءوتىنىشى نەگىزىندە اۋداندىق اۋماقتىق سايلاۋ كوميسسياسى قابىلدادى.
«بارلىق سايلاۋ ۋچاسكەلەرىندە داۋىس بەرۋ جاشىكتەرى بار، قاجەتتى سانداعى داۋىس بەرۋ كابينالارىمەن، جيھازدارمەن، ۇيىمداستىرۋ تەحنيكاسىمەن، كەڭسە تاۋارلارىمەن جابدىقتالعان. ۋچاسكەلەردە مۇمكىندىگى شەكتەۋلى جاندارعا ارنالعان ورىندار جابدىقتالعان. كوزى ناشار كورەتىن سايلاۋشىلارعا اۋديوماتەريالدار مەن ترافارەتتەر دايىندالدى»، - دەدى ايگۇل قالىقوۆا.
داۋىس بەرۋگە ارنالعان عيماراتتار قاجەتتى اقپاراتتىق ماتەريالدارمەن جابدىقتالعان. No3 سايلاۋ وكرۋگى بويىنشا قازاقستان رەسپۋبليكاسى پارلامەنتى ءماجىلىسىنىڭ دەپۋتاتتارىنا قاتىستى اقپاراتتىق ماتەريالداردىڭ ءبىر بولىگى بۇگىن كۇننىڭ سوڭىنا دەيىن وسى وكرۋگتەگى سايلاۋ ۋچاسكەلەرىنىڭ ستەندتەرىندە ورنالاستىرىلادى.
«سايلاۋ كوميسسيالارىنىڭ شەشىمدەرىمەن 70 ۋچاسكە انىقتالدى، ولاردا تىزىمگە ەنگىزىلگەن سايلاۋشىلاردىڭ ءبارى ءوز تاڭداۋلارىن جاساپ بولسا، داۋىس بەرۋ كەز كەلگەن ۋاقىتتا اياقتالۋى مۇمكىن. ولار كونستيتۋسيالىق زاڭنىڭ 38-بابىنىڭ 3-تارماعىنا سايكەس مەديسينالىق مەكەمەلەردەگى، اسكەري بولىمدەردەگى سايلاۋ ۋچاسكەلەرى. 7 سايلاۋ ۋچاسكەسىندە داۋىس بەرۋ تاڭعى ساعات 6.00-دە (اسكەري بولىمشەلەر) باستالادى»، - دەدى ا.قالىقوۆا.
بريفينگتە ول سونداي-اق سايلاۋعا دايىندىق بارىسىندا سايلاۋشىلارعا داۋىس بەرۋ ۋاقىتى، ورنى، سايلاۋ ۋچاسكەلەرىنىڭ مەكەنجايلارى كورسەتىلگەن 1 ميلليون 202 مىڭ شاقىرۋ قاعازى جاسالىپ، تاراتىلدى. ولارعا الماتىلىقتار بۇقارالىق اقپارات قۇرالدارى ارقىلى حاباردار ەتتى.
ايگۇل قالىقوۆا جۋرناليستەردىڭ ساۋالدارىنا جاۋاپ بەرە وتىرىپ، داۋىس بەرۋشىلەردىڭ ءوتىنىشى بويىنشا داۋىس بەرۋ قۇقىعى كورسەتىلگەن 797 ەسەپتەن شىعارۋ تۋرالى كۋالىك بەرىلگەنىن ايتتى (ەسەپتەن شىعۋ كۋالىگىن بەرۋ 18 ناۋرىز كۇنى ساعات 18:00-دە اياقتالادى).
قازىرگى ۋاقىتتا ۋچاسكەلىك كوميسسيالارعا بەلگىلەنگەن مولشەردەگى داۋىس بەرۋگە ارنالعان بيۋللەتەندەر جەتكىزىلىپ، ىشكى ىستەر ورگاندارىنىڭ قورعاۋىندا.
الماتى قالاسىنىڭ اۋداندارى قازاقستان رەسپۋبليكاسى پارلامەنتى ءماجىلىسى مەن ءماسليحاتتارى دەپۋتاتتارىن سايلاۋدا داۋىس بەرۋگە دايىن.
اسك ءتوراعاسى كانديداتتى نەمەسە پارتيالىق ءتىزىمدى الىپ تاستاعان جاعدايدا بيۋللەتەندەرگە وزگەرىستەر ەنگىزۋ تۋرالى ايتىپ بەردى.
ورتالىق سايلاۋ كوميسسياسىنىڭ قاۋلىسىمەن بەكىتىلگەن كانديدات شىعىپ قالعان، كانديداتتى ۇسىنۋ تۋرالى شەشىمنىڭ كۇشى جويىلعان، كانديداتتاردى، پارتيالىق تىزىمدەردى تىركەۋ تۋرالى شەشىمنىڭ كۇشى جويىلعان جاعدايلاردا سايلاۋ بيۋللەتەندەرىنە وزگەرىستەر ەنگىزۋ قاعيدالارىنا سايكەس قازاقستان رەسپۋبليكاسىنىڭ 2018 جىلعى 19 قىركۇيەكتەگى №16/20 قاۋلىسىمەن ءتيىستى وكرۋگتىك سايلاۋ كوميسسيالارىنىڭ، ۋچاسكەلىك سايلاۋ كوميسسيالارىنىڭ شەشىمدەرى نەگىزىندە 2023 جىلعى 17 ناۋرىزدا بۇل جۇمىسقا كىرىستى.
بارلىعى ءبىر مانداتتى 3 سايلاۋ وكرۋگى بويىنشا قازاقستان رەسپۋبليكاسى پارلامەنتى ءماجىلىسىنىڭ دەپۋتاتتىعىنا تىركەلگەن 105 كانديداتتىڭ 23ء-ى شىعارىلدى. ولاردىڭ اتى-جوندەرى بيۋللەتەندەردەن الىنىپ تاستالادى.
21ء-شى ءبىر مانداتتى سايلاۋ وكرۋگى بويىنشا 171 كانديداتتىڭ 27ء-سى بويىنشا تىركەۋ تۋرالى شەشىمنىڭ كۇشى جويىلدى. ولاردىڭ اتى-جوندەرى دە بيۋللەتەندەردەن الىنىپ تاستالادى.