پارتيالىق ءموبيلدى قوسىمشا ىسكە قوسىلادى
Nur Otan پارتياسىنىڭ اتقارۋشى حاتشىسى اسحات ورالوۆ ءماسليحاتتارداعى "نۇروتاندىق" دەپۋتاتتاردىڭ رەيتينگ ناتيجەسىن جۇرتشىلىققا جاريا ەتۋ كەرەكتىگىن ايتتى، دەپ حابارلايدى Almaty-akshamy.kz
«پارتيانىڭ جۇمىسى بارىنشا اشىق بولۋى ءتيىس دەپ سانايمىز. بۇگىنگى تاڭداعى قوعامنىڭ اسا وزەكتى سۇرانىستارىنىڭ ءبىرى – پارتيانىڭ اشىقتىعى جانە حالىققا جاقىن بولۋى»، - دەدى ول پارتيانىڭ كەزەكتەن تىس سەزىندە.
سونداي-اق اسحات ورالوۆ پيلوتتىق جوبا رەتىندە ءماسليحاتتارداعى Nur Otan دەپۋتاتتارىنىڭ رەيتينگ جۇيەسى تولىقتاي سىناقتان وتكەنىن ايتتى.
«ونىڭ ناتيجەسىن جۇرتشىلىققا جاريا ەتۋدى ۇسىنامىز. سونىمەن قاتار پارتيالىق ءموبيلدى قوسىمشا ىسكە قوسىلادى. وندا ازاماتتار پارتيانىڭ جۇمىسى تۋرالى جەدەل اقپارات الىپ، قوعامدىق ماڭىزدى ماسەلەلەرگە بايلانىستى ءتۇرلى ساۋالنامالارعا قاتىسىپ، ءوتىنىش پەن ۇسىنىس-تىلەكتەرىن قالدىرا الادى»، - دەدى پارتيانىڭ اتقارۋشى حاتشىسى.