SpaceX كومپانياسىنىڭ باسشىسى، امەريكالىق ميللياردەر يلون ماسك xAI ستارتاپى جاساندى ينتەللەكتكە نەگىزدەلگەن Grok چات-بوتىنىڭ بالالارعا ارنالعان نۇسقاسىن جاساۋدى جوسپارلاپ وتىرعانىن ايتتى، - دەپ حابارلايدى aqshamnews.kz ءتىلشىسى.
جاڭا سەرۆيس Baby Grok دەپ اتالادى.
"ءبىز xAI اياسىندا Baby Grok جاساپ جاتىرمىز. بۇل بالالارعا ارنالعان (ءقاۋىپسىز) كونتەنتتى ۇسىناتىن قوسىمشا بولادى"، - دەپ جازدى يلون ماسك X الەۋمەتتىك جەلىسىندەگى پاراقشاسىندا.
SpaceX ماسكتىڭ xAI ستارتاپىنا 2 ميلليارد دوللار ينۆەستيسيا سالماق.
ايتا كەتەيىك، يلون ماسك بيىل اقپاندا Grok 3 نۇسقاسىن "جەر بەتىندەگى ەڭ اقىلدى جاساندى ينتەللەكت" دەپ اتاعان بولاتىن. الايدا شىلدەدە Grok چات-بوتى داۋعا قالدى: تانىمال بوت X جەلىسىندە قولدانۋشىلاردىڭ سۇرانىسىنا جاۋاپ رەتىندە انتيسەميتتىك پىكىرلەر ايتىپ، ادولف گيتلەردى ماداقتاپ، ءوزىن "مەحا-گيتلەر" دەپ اتاعان. قولدانبانى ازىرلەۋشىلەر بۇل جازبالاردى جەدەل ءوشىرىپ، ماتىندىك جاۋاپتارعا شەكتەۋ قويدى. xAI كومپانياسى ماسەلەنى شەشىپ جاتقانىن جانە سۇزگىنى كۇشەيتكەنىن مالىمدەدى.
بۇل وقيعا ماسكتىڭ كوپتەن كۇتكەن Grok 4 نۇسقاسىن تانىستىرۋىنا دايىندىق كەزىندە بولعان. ول جاڭا نۇسقانىڭ ايتارلىقتاي جەتىلدىرىلەتىنىن ۋادە ەتكەن، ءبىراق ناقتى قانداي وزگەرىستەر بولاتىنىن ءالى اشىپ ايتقان جوق.