كارىم ماسىموۆكە قاتىستى ءىس بويىنشا دەرەكتەر جاريالانبايدى. بۇل تۋرالى ق ر ۇلتتىق قاۋىپسىزدىك كوميتەتى ءتوراعاسىنىڭ ورىنباسارى مارات قالقابايەۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«تەرگەۋ امالدارى بارىسىندا ءبارى انىقتالدى. ارينە، مەن كوپ نارسەنى ايتا المايمىن. ءبىراق ول (ءماسىموۆ) ءتيىستى شەشىم قابىلدامادى. ءبىرىنشى باسشى ءوزى قابىلداۋى ءتيىس شەشىمدەردى جاساماعان. وسىمەن بولدى. سوندىقتان ول قىلمىستىق جاۋاپكەرشىلىككە تارتىلادى»، - دەدى م.قالقابايەۆ ماجىلىستە تىلشىلەر سۇراعىنا جاۋاپ بەرە وتىرىپ.
سونىمەن قاتار ول ءىس ماتەريالدارىنىڭ دەرەكتەرى جاريالانبايتىنىن ايتتى.
«ءىس دەرەكتەرى وتە قۇپيا. ول بويىنشا تولىق اقپارات بەرىلمەيدى. مەملەكەتتىك قۇپيانى جاريا ەتپەۋ تۋرالى زاڭ بار. قىلمىستىق ءىس «وتە قۇپيا» ساناتىنا جاتقىزىلعان»، - دەدى م.قالقابايەۆ.
بۇدان بۇرىن حابارلانعانداي، بيىل ءساۋىر ايىندا استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى ۇلتتىق قاۋىپسىزدىك كوميتەتىنىڭ بۇرىنعى ءتوراعاسى كارىم ماسىموۆكە جانە ونىڭ ورىنباسارلارى ا.سادىقۇلوۆقا، د.ەرعوجينگە، م.وسيپوۆكە قاتىستى قىلمىستىق ءىس بويىنشا ۇكىمىن جاريا ەتتى.
سوت شەشىمىمەن اتالعان ءۇش باپ بويىنشا دا كىنالى دەپ تانىلعان ك.ءماسىموۆ 18، ا.سادىقۇلوۆ 16 جىلعا، د.ەرعوجين تاعىلعان ايىپتارعا سايكەس 15 جىلعا، م.وسيپوۆ بولسا بيلىك پەن لاۋازىمدىق وكىلەتتىگىن اسىرا پايدالانۋ بابىمەن 3 جىلعا باس بوستاندىعىنان ايىرىلدى. سوتتالۋشىلاردىڭ بارلىعى ءومىر بويى مەملەكەتتىك قىزمەتتە لاۋازىم يەلەنە المايدى. سونىمەن قاتار بارلىعى گەنەرال شەندەرىنەن جانە مەملەكەتتىك ناگرادالارىنان ايىرىلادى.