2022 جىلى وتاندىق كۋرورتتاردا دەمالعان تۋريستەر سانى 2021 جىلمەن سالىستىرعاندا 30% ءوستى. وسىنىڭ ارقاسىندا قازاقستاننىڭ قوناق ۇيلەرى 102 ملرد تەڭگەدەن استام تابىس تاپتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
مادەنيەت جانە سپورت مينيسترلىگى مالىمەتىنشە، كورسەتىلگەن قىزمەت كولەمى 2021 جىلمەن سالىستىرعاندا ەكى ەسەگە جۋىق وسكەن.
سونداي-اق كۋرورتتى ايماقتارداعى توسەك-ورىن سانى 102 مىڭنان 106 مىڭعا دەيىن ارتتى.
پاندەمياعا دەيىنگى دەڭگەيمەن سالىستىرعاندا، قازاقستاننىڭ كۋرورتتى ايماقتارىندا تۋريستەر سانى ءۇش ەسە، ال كورسەتىلگەن قىزمەتتەر كولەمى 6 ەسە ءوستى.
بۇل رەتتە ساياحاتشىلار كوبىنە الماتى تاۋ كلاستەرىندە، بۋرابايدا، ماڭعىستاۋ كۋرورتتى ايماعىندا جانە الاكول كولىنىڭ جاعالاۋىندا توقتايتىنىن ايتا كەتكەن ءجون.
«قازىرگى ۋاقىتتا ەڭ تانىمال باعىتتار بويىنشا تۋريستىك ينفراقۇرىلىمدى دامىتۋدا بەلسەندى جۇمىس جۇرگىزىلىپ وتىر. ءبىزدىڭ ماقساتىمىز – بىرنەشە جىل ىشىندە ىشكى تۋريستەردىڭ جالپى سانىن 11 ملن ادامعا دەيىن، ال كىرەتىن تۋريستەردى – 4 ملن ادامعا دەيىن ۇلعايتۋ ءۇشىن كۋرورتتار مەن دەمالىس ايماقتارىنىڭ قولجەتىمدىلىگىن، سونداي-اق سىيىمدىلىعىن ارتتىرۋ، اتاپ ايتقاندا، ءقازىر جاڭا نىساندار سالىنىپ جاتىر، ال تۋريزم سالاسىنداعى كاسىپكەرلەر سۋبسيديا الىپ كەلەدى»، - دەپ اتاپ ءوتتى ق ر مسم تۋريزم يندۋسترياسى كوميتەتىنىڭ ءتوراعاسى داستان رىسپەكوۆ.