ءماسىموۆ پەن ونىڭ ورىنباسارلارى تەرروريزمدى قارجىلاندىرۋشىلار تىزىمىنە ەنگىزىلدى

بۇل تۋرالى قارجىلىق مونيتورينگ اگەنتتىگى حابارلادى.

بانكتەر بۇل تىزىمگە ەنگىزىلگەن تۇلعالاردىڭ بارلىق قارجىسىن بۇعاتتاپ، ولار نوتاريالدىق، ساقتاندىرۋ قىزمەتتەرىنەن ايىرىلادى، دەپ حابارلايدى Almaty-akshamy.kz

ق ر ۇقك ەكس-توراعاسى كارىم ءماسىموۆ پەن ونىڭ ورىنباسارلارى ءانۋار سادىقۇلوۆ پەن داۋلەت ەرعوجين رەسمي تۇردە تەرروريزمدى قارجىلاندىرۋشىلار تىزىمىنە ەنگىزىلدى.

تەرروريزم مەن ەكسترەميزمدى قارجىلاندىرۋمەن بايلانىستى ۇيىمدار مەن تۇلعالاردىڭ تىزبەسىندە كارىم ءماسىموۆ پەن ونىڭ ورىنباسارلارى ارەكەت ەتۋشى تۇلعالار رەتىندە كورسەتىلگەن.

ايتا كەتەيىك، قاڭتار وقيعاسىنان كەيىن قاماۋعا الىنعان كارىم ءماسىموۆ قىلمىستىق كودەكستىڭ 175-بابىنىڭ 1-بولىگى، 179-بابىنىڭ 3-بولىگى، 362-بابىنىڭ 4-بولىگى 3-تارماعى بويىنشا كىنالى دەپ تانىلدى.

جازانى ءىشىنارا قوسۋ ارقىلى 18 جىلعا باس بوستاندىعىنان ايىرۋ، مۇلكى تاركىلەنىپ، ءومىر بويى مەملەكەتتىك قىزمەتتە قىزمەت اتقارۋ قۇقىعىنان ايىرۋ جازاسى تاعايىندالدى.

ال ونىڭ ورىنباسارى بولعان ءانۋار سادىقۇلوۆ قىلمىستىق كودەكستىڭ 175-بابىنىڭ 1-بولىگى، 179-بابىنىڭ 3-بولىگى، 362-بابىنىڭ 4-بولىگى 3-تارماعى بويىنشا كىنالى دەپ تانىلدى. ول 16 جىلعا سوتتالدى. سونداي-اق ءومىر بويى مەملەكەتتىك قىزمەتتە قىزمەت ەتۋ قۇقىعىنان ايىرىلدى.

ۇقك ءتوراعاسىنىڭ بۇرىنعى ورىنباسارى داۋلەت ەرعوجين قىلمىستىق كودەكستىڭ 179-بابىنىڭ 3-بولىگى، 362-بابىنىڭ 4-بولىگى 3-تارماعى بويىنشا كىنالى دەپ تانىلدى. ول 15 جىلعا باس بوستاندىعىنان ايىرىلدى.

ۇقك ءتوراعاسىنىڭ بۇرىنعى ورىنباسارى مارات ءوسىپوۆ قىلمىستىق كودەكستىڭ 362-بابىنىڭ 3-بولىگى بويىنشا كىنالى دەپ تانىلدى جانە وعان مەملەكەتتىك قىزمەتتە قىزمەت اتقارۋ قۇقىعىنان ايىرا وتىرىپ، 3 جىلعا باس بوستاندىعىنان ايىرۋ جازاسى تاعايىندالدى.