بۇدان بۇرىن پروكۋراتۋرانىڭ تەكسەرۋگە كىرىسكەنىن جازعانبىز.
وقۋ-اعارتۋ مينيسترلىگىنىڭ مالىمەتىنشە، وقيعا ورنىندا مينيسترلىك پەن قالالىق ءبىلىم باسقارماسىنىڭ وكىلدەرى جۇمىس ىستەپ جاتىر، دەپ حابارلايدى Almaty-akshamy.kz
«بالالاردىڭ جازعى دەمالىسىن ۇيىمداستىرۋ بويىنشا قىزمەتتەردى كورسەتۋ ءۇشىن دەرەۋ جەدەل ءموبيلدى توپ قۇرىلدى. مۇددەلى مەملەكەتتىك ورگاندارعا بالالاردىڭ ورتالىقتا ءقاۋىپسىز بولۋى، سونداي-اق كونكۋرستىق راسىمدەردى وتكىزۋ ماسەلەلەرى بويىنشا حاتتار جولداندى. بۇل ماسەلە تولىق شەشىلگەنشە كوميتەت ءتوراعاسىنىڭ جەكە باقىلاۋىندا بولادى»، دەلىنگەن حابارلامادا.
ورتالىق مەملەكەتتىك، جەرگىلىكتى اتقارۋشى ورگانداردىڭ، ۇكىمەتتىك ەمەس ۇيىمداردىڭ وكىلدەرىنىڭ، جاستار ءتۋريزمى جانە دەمالىسى جونىندەگى رەسپۋبليكالىق قاۋىمداستىق ءتوراعاسىنىڭ قاتىسۋىمەن ءبىرقاتار تانىستىرۋ كەزدەسۋلەرى وتكىزىلدى، وندا ۇيىمداستىرۋ ماسەلەلەرى قارالدى؛
«قازاقستان - باقىتتى بالالىق مەكەنى!» تۇجىرىمداماسى جاسالدى. دەمالىس كەزىندە بالالاردىڭ بوس ۋاقىتىن جانە جۇمىسپەن قامتىلۋىن ۇيىمداستىرۋ ءۇشىن، ۇسىنىستار بەرىلگەن وڭىرلەرگە ىسكە اسىرۋعا باعىتتالعان؛
جازعى دەمالىستى دۇرىس ۇيىمداستىرۋ ءۇشىن اۋىسىمدى دامىتۋ لوگيكاسىن، ونىڭ دامۋ كەزەڭدەرىنىڭ ءارقايسىسىندا ءوز ماقساتى مەن مىندەتىنىڭ بولۋىن بولجايتىن پەداگوگيكالىق تۇجىرىمداماعا باعىتتالعان «جازدىق جولداما» جوباسىن ىسكە اسىراتىن ورتالىقتاردىڭ (لاگەرلەردىڭ) ءبىرىڭعاي 10 كۇندىك باعدارلاماسى ەنگىزىلدى.
«وسى نورمالاردىڭ قابىلدانۋى دەمالىستىڭ ەلەكتروندىق ءتىزىمىن قۇرۋدى جانە ۇيىم قىزمەتىنىڭ اشىقتىعىن قامتاماسىز ەتەدى. بارلىق وسى قابىلدانىپ جاتقان شارالار، بالالارىمىزدىڭ قاۋىپسىزدىگىن قامتاماسىز ەتۋگە باعىتتالعانىنا قاراماستان، قىزمەتكەرلەر تاراپىنان نەمقۇرايدىلىق بايقالدى»، دەدى كوميتەت وكىلدەرى.
وسىعان دەيىن الماتى قالالىق ءبىلىم باسقارماسى قىزمەت بەرۋشىمەن كەلىسىمشارتتى بۇزۋ ماسەلەسى قارالىپ جاتقانىن حابارلاعان بولاتىن. الداعى ۋاقىتتا بالالار دەمالىسىن جالعاستىرۋ ءۇشىن باسقا ورتالىقتارعا جىبەرىلەدى.