بۇدان بۇرىن استانا فورۋمىنىڭ وتپەيتىنىن حابارلاعانبىز.
ق ر ونەركاسىپ جانە قۇرىلىس مينيسترلىگى 2024 جىلدىڭ 25-26 ساۋىرىنە جوسپارلانعان قازاقستان ماشينا جاساۋشىلارىنىڭ ءحىى فورۋمى وتپەيتىن بولعانىن مالىمدەدى، دەپ حابارلايدى Almaty-akshamy.kz
" فورۋم ەلدىڭ اۋماعىن شارپىعان اۋقىمدى سۋ تاسقىنىنا بايلانىستى 2025 جىلعا اۋىستىرىلاتىن بولدى. قازاقستان رەسپۋبليكاسى پرەزيدەنتىنىڭ تاپسىرماسىنا سايكەس، مينيسترلىك زارداپ شەككەندەرگە ارنالعان تۇرعىن ۇيلەردى قالپىنا كەلتىرۋ جونىندەگى ءىس-شارالاردى ۇيلەستىرۋ جانە جۇزەگە اسىرۋ جونىندەگى جاۋاپتى ورگان بولىپ تاعايىندالدى. مينيسترلىك ءىس-شاراعا قىزىعۋشىلىق تانىتقانى ءۇشىن شىنايى العىسىن بىلدىرەدى جانە ونىڭ توقتاتىلۋىنا بايلانىستى تۋىنداعان قولايسىزدىقتار ءۇشىن كەشىرىم سۇرايدى" دەگەن اقپارات تاراتتى ق ر ونەركاسىپ جانە قۇرىلىس مينيسترلىگى.