بۇل تۋرالى سالا ماماندارىنىڭ فورۋمىندا ايتىلدى.
بيىل بۇل ماقساتقا 285 ميلليارد تەڭگە بولىنگەن. كەلەسى جىلى 300 ميللياردتان استام قاراجات قاراستىرۋ جوسپارلانىپ وتىر، دەپ حابارلايدى Almaty-akshamy.kz.
بۇل اقشاعا ءىرى بيزنەسكە ون ەكى، ورتا بيزنەسكە سەگىز، شاعىن بيزنەسكە ءۇش پايىزدىق نەسيە بەرۋ كوزدەلگەن. سونىمەن قاتار ماشينا جاساۋدى دامىتۋدىڭ كەشەندى جوسپارى ازىرلەنىپ جاتىر.
«قازىرگى تاڭدا ۇكىمەت وتاندىق وندىرۋشىلەردى قولداۋعا باعىتتالعان جۇمىستاردى جالعاستىرۋدا. بۇل قولجەتىمدى باستاپقى ماتەريالدارمەن جانە قارجىلاندىرۋمەن قامتاماسىز ەتۋ. سونىمەن بىرگە ەل ىشىندەگى قۇندىلىقتى دامىتۋ، يمپورتقا تاۋەلدىلىكتى ازايتۋ، جاڭا وندىرىستەردى قۇرۋ جانە جۇمىس ىستەپ تۇرعان ءوندىرىس ورىندارىن جاڭعىرتۋ. ۇكىمەت اشىق ديالوگقا جانە بيزنەسپەن بىرلەسىپ جۇمىس ىستەۋگە دايىن»، - دەيدى ق ر پرەمەر-مينيسترى ءاليحان سمايىلوۆ.