مەملەكەتتىك ساياساتتا عىلىمي جانە ساراپشىلىق قولداۋعا قاجەتتىلىك ارتادى
بۇل تۋرالى ق ر پارلامەنتى سەناتىنىڭ ءتوراعاسى ماۋلەن اشىمبايەۆ ايتتى، دەپ حابارلايدى Almaty-akshamy.kz
«ماڭىزدى تۇس – الەۋمەتتانۋ سالاسىندا كادرلاردى دايىنداۋ. بۇل جەردە دە بەلگىلى ءبىر ماسەلەلەر بار. تولىقتاي العاندا، الداعى كەزەڭدە مەملەكەتتىك ساياساتتا عىلىمي جانە ساراپشىلىق قولداۋعا قاجەتتىلىك ارتاتىن بولادى. قازاقستان پارلامەنتىنىڭ سەناتى وتاندىق الەۋمەتتانۋ عىلىمىنا ەڭ الدىمەن زاڭنامالىق قامتاماسىز ەتۋ تۇرعىسىنان جان-جاقتى قولداۋ كورسەتۋگە دايىن. سەنات ساراپشىلىق قوعامداستىقتى دامىتۋعا باعىتتالعان جوبالاردى قولدايدى. كونگرەسس اياسىندا جاس الەۋمەتتانۋشىلار فورۋمى جۇمىس ىستەيتىنىن بىلەمىز. بۇل ءبىزدىڭ پالاتامىزدا جۇرگىزەتىن جۇمىستارمەن ۇندەسەدى»، - دەدى سەنات سپيكەرى قازاقستان الەۋمەتتانۋشىلارىنىڭ VII كونگرەسىندە.
وسى رەتتە ماۋلەن اشىمبايەۆ سەنات جانىندا جاس ساراپشىلار كلۋبى الاڭى بار ەكەندىگىن ەسكە سالدى. ونىڭ ماقساتى ءتۇرلى سالالاردى دامىتۋ ءۇشىن زاڭنامانى جەتىلدىرۋ مەن ۇسىنىستار ازىرلەۋگە سساراپشىلاردىڭ جاڭا بۋىنىنىڭ الەۋەتىن جۇمىلدىرۋ ەكەندىگىن اتاپ ءوتتى.
«بۇعان قوسا، ءبىز كلۋب باستاماشىلىق جاساعان جاڭا قوعامدىق جوباعا – ساراپشىلار مەكتەبىنە قولداۋ كورسەتتى. مەكتەپتىڭ ماقساتى – مەملەكەتتىك قىزمەتتە، اكادەميالىق ورتادا جۇمىس ىستەيتىن جاس ماماندارعا ساراپشىلىق داعدى قالىپتاستىرۋعا كومەكتەسۋ. الەۋمەتتانۋشىلار قاۋىمداستىعىن وسى جوبادا ىنتىماقتاستىققا شاقىرامىن»، - دەدى ول.