ەسكە الۋ شاراسىنا ق ر مادەنيەت جانە سپورت مينيسترلىگىنىڭ جانە الماتى قالاسى اكىمدىگىنىڭ وكىلدەرى، قوعام قايراتكەرلەرى، ن.تىلەندييەۆتىڭ تۋىستارى قاتىسادى.
بۇگىن جامبىل اتىنداعى قازاق مەملەكەتتىك فيلارمونياسىنىڭ كامەرالىق زالىنا كسرو حالىق ءارتيسى، حالىق قاھارمانى نۇرعيسا اتاباي ۇلى تىلەندييەۆتىڭ ەسىمىن بەرۋ سالتاناتتى راسىمىنە وراي مەموريالدى تاقتانىڭ اشىلۋى جانە كومپوزيتوردى ەسكە الۋ كەشى وتەدى، دەپ حابارلايدى Almaty-akshamy.kz
مەموريالدى تاقتانىڭ سالتاناتتى اشىلۋىنان كەيىن كامەرالىق زالدا ن.تىلەندييەۆ اتىنداعى مەموريالدى مۋزەيىنىڭ ەكسپوناتتار كورمەسى قويىلادى.
سونىمەن قاتار، ساعات 19:00-دە فيلارمونيانىڭ ۇلكەن زالىندا ن.تىلەندييەۆ اتىنداعى اكادەميالىق فولكلورلى-ەتنوگرافيالىق «وتىرار سازى» وركەسترى مەن ب.بايقاداموۆ اتىنداعى مەملەكەتتىك حور كاپەللاسى مەرەيتويلىق كونسەرتتىك باعدارلاماسىن ۇسىنادى.
