جاڭا تاعايىنداۋ
قازاقستان رەسپۋبليكاسى ۇكىمەتىنىڭ قاۋلىسىمەن مارات ەلەۋسىز ۇلى سۇلتانعالييەۆ بۇعان دەيىن اتقارعان قىزمەتىنەن بوساتىلا وتىرىپ، قازاقستان رەسپۋبليكاسىنىڭ ءبىرىنشى قارجى ۆيسە-مينيسترى لاۋازىمىنا تاعايىندالدى. بۇل تۋرالى ق ر پرەمەر-مينيسترىنىڭ باسپا ءسوز قىزمەتى مالىمدەدى.
مارات سۇلتانعازييەۆ 1976 جىلى الماتى وبلىسىندا دۇنيەگە كەلگەن. اباي اتىنداعى الماتى مەملەكەتتىك ۋنيۆەرسيتەتىن، قازاق مەملەكەتتىك زاڭ اكادەمياسىن، ت. رىسقۇلوۆ اتىنداعى قازاق ەكونوميكالىق ۋنيۆەرسيتەتىن ءتامامداعان.
ەڭبەك جولىن 1997 جىلى سالىق ءبولىمىنىڭ زاڭدى تۇلعالاردى تەكسەرۋ ءبولىمىنىڭ ءبىرىنشى ساناتتى مامانى بولىپ باستاعان.
1998-2001 جىلدارى الماتى قالاسى بويىنشا سالىق كوميتەتىنىڭ سالىق ينسپەكتورى، اعا سالىق ينسپەكتورى، جەتەكشى سالىق ينسپەكتورى، باس مامان – باس سالىق ينسپەكتورىنىڭ م. ا. بولىپ جۇمىس ىستەگەن.
2001-2010 جىلدارى الماتى قالاسى بويىنشا سالىق كوميتەتىندە جۇمىسىن جالعاستىرعان، الماتى قالاسى بويىنشا سالىق دەپارتامەنتى باسشىسىنىڭ ورىنباسارى بولىپ جۇمىس ىستەگەن.
2010-2012 جىلدارى ق ر قارجى مينيسترلىگىندە باسشىلىق قىزمەتتەردى اتقارعان.
2012-2014 جىلدارى — ق ر پرەزيدەنتى اكىمشىلىگىنىڭ الەۋمەتتىك-ەكونوميكالىق مونيتورينگ ءبولىمىنىڭ سەكتور مەڭگەرۋشىسى.
2014-2017 جىلدارى — ق ر قارجى مينيسترلىگى مەملەكەتتىك كىرىستەر كوميتەتىنىڭ الماتى قالاسى بويىنشا مەملەكەتتىك كىرىستەر دەپارتامەنتىنىڭ باسشىسى.
2017 جىلعى ماۋسىمنان 2018 جىلعى قازانعا دەيىن ق ر پرەزيدەنتى اكىمشىلىگىنىڭ الەۋمەتتىك–ەكونوميكالىق مونيتورينگ ءبولىمى مەڭگەرۋشىسىنىڭ ورىنباسارى قىزمەتىن اتقاردى.