تەننيسشىنىڭ ءىسى اۆستراليانىڭ فەدەرالدى سوتىنا جولداندى
سەربيالىق تەننيسشىنى اۆستراليانىڭ قۇقىق قورعاۋ ورگاندارى ۇستادى، دەپ حابارلايدى Almaty-akshamy.kz Zakon.kz-كە سىلتەمە جاساپ.
14 قاڭتاردا اۆستراليانىڭ يمميگراسيا ءمينيسترى الەكس حوۋك دجوكوۆيچتىڭ ۆيزاسىنىڭ كۇشىن جويدى. سول كۇنى كەشكە سوت وتىرىسى ءوتىپ، ونىڭ بارىسىندا تەننيسشىنىڭ ءىسى اۆستراليانىڭ فەدەرالدى سوتىنا جولداندى.
"اتالعان اۆستراليالىق ادىلەت ورگانىندا جوسپار بويىنشا ونلاين سوت تىڭدالىمى 15 قاڭتاردا ءوتۋى ءتيىس بولاتىن. ءبىراق وسى سوت تىڭدالىمى الدىندا سپورتشى ۇستالىپ، قاماۋعا الىندى. سوعان بايلانىستى سوت 16 قاڭتاردا وتەتىن بولدى"، - دەپ حابارلايدى CNN.
دجوكوۆيچكە قاتىستى ايىپ ۆيزا الۋ ءۇشىن قۇجاتتار تولتىرۋ كەزىندە پايدا بولدى. سپورتشىنىڭ كوروناۆيرۋسقا قارسى ۆاكسينا الماۋعا مۇمكىندىك بەرەتىن مەديسينالىق قارسى كورسەتىلىمى بارىن دالەلدەيتىن قۇجاتى بار. الايدا اۆستراليالىق تاراپ تەننيسشىنىڭ بۇل ايعاقتارىنا كۇمانمەن قارايدى.