مەملەكەت باسشىسى قاسىم-جومارت توقايەۆ «ادىلەتتى قازاقستان: زاڭ مەن ءتارتىپ، ەكونوميكالىق ءوسىم، قوعامدىق وپتيميزم» اتتى جولداۋىندا بىلىكتى مەديسينالىق مامانداردىڭ تاپشىلىعى ماسەلەسىنىڭ وزەكتىلىگىن جانە مەديسينا سالاسىنداعى ءبىلىم ساپاسىن بارىنشا ارتتىرۋ قاجەتتىگىن اتاپ ءوتتى.
وسى ورايدا، كارديولوگيا جانە ىشكى اۋرۋلار عىلىمي-زەرتتەۋ ينستيتۋتى 1977 جىلى قۇرىلعان كۇننەن باستاپ عىلىمي-تاجىريبەلىك دەنساۋلىق ساقتاۋ كادرلارىن دايىنداپ كەلە جاتقانىن ايتقىم كەلەدى.
جۇمىستىڭ ءۇش نەگىزگى باعىتىنىڭ – عىلىم، ءبىلىم جانە كلينيكالىق تاجىريبەنىڭ ۇيلەسىمدىلىگى زاماناۋي دەنساۋلىق ساقتاۋدىڭ قاجەتتىلىكتەرى مەن تالاپتارىنا سايكەس كەلەتىن ءبىلىم بەرۋ باعدارلامالارى نەگىزىندە جوعارى بىلىكتى مامانداردى دايىنداۋعا مۇمكىندىك بەرەدى.
2023 جىلى ينستيتۋت تانىلعان اككرەديتتەۋ ورگاندارىنىڭ ءبىلىم بەرۋ قىزمەتىن باعالاۋىنان تاعى دا ءوتتى. گاستروەنتەرولوگيا، ريەۆماتولوگيا، اللەرگولوگيا جانە يممۋنولوگيا، پۋلمونولوگيا، تەراپيا بويىنشا ءبىلىم بەرۋ باعدارلامالارى اككرەديتتەلگەن. ساراپتامالىق كوميسسيا كىاعزي قازاقستانداعى ۇزدىك مەديسينالىق عىلىمي ينستيتۋتتاردىڭ ءبىرى رەتىندە جوعارى وقۋ ورنىنان كەيىنگى ءبىلىم بەرۋ ساپاسىن، سونداي-اق تۇراقتى دامۋدى قامتاماسىز ەتۋدە جەتىستىكتەر كورسەتكەنىن اتاپ ءوتتى. ساراپشىلاردىڭ وڭ باعاسىنا ەڭ الدىمەن ينستيتۋتتىڭ كورپوراتيۆتىك قۇندىلىقتارى، سونداي-اق رەزيدەنتۋرانىڭ ءبىلىم بەرۋ باعدارلامالارىن جۇزەگە اسىرۋ ءۇشىن كلينيكالىق بازالاردىڭ بىرەگەيلىگى اسەر ەتتى.
بيىل «ەندوكرينولوگيا (ەرەسەكتەر، بالالار)» ءبىلىم بەرۋ باعدارلاماسى بويىنشا ءبىلىم العان رەزيدەنتتەر وقۋىن ءبىتىرىپ، ءبىلىم قۇجاتتارىن الدى. ەندى ولار العان بىلىمدەرى مەن داعدىلارىن ءىس جۇزىندە قولدانۋعا دايىن.
جۇمىس بەرۋشىلەردىڭ پىكىرلەرى بويىنشا، ينستيتۋتتىڭ تۇلەكتەرى ءبىلىم مەن پراكتيكالىق داعدىلاردىڭ جاقسى دەڭگەيىن كورسەتەدى. كارديولوگيا جانە ىشكى اۋرۋلار عىلىمي-زەرتتەۋ ينستيتۋتىنىڭ تۇلەكتەرىنە دەگەن جوعارى سۇرانىستى ولاردىڭ ەلىمىزدىڭ پراكتيكالىق دەنساۋلىق ساقتاۋ ۇيىمدارىندا 100% جۇمىسقا ورنالاسۋى دالەلدەيدى.
2024-2025 وقۋ جىلى رەزيدەنتتەر سانى ايتارلىقتاي ءوستى. رەزيدەنتۋراعا 8 كلينيكالىق ماماندىق بويىنشا 76 ادام ءتۇستى، ونىڭ 55ء-ى مەملەكەتتىك ءبىلىم بەرۋ تاپسىرىسى بويىنشا، 16-سى جەرگىلىكتى اتقارۋشى ورگانداردىڭ بيۋدجەتىنەن، 5ء-ى اقىلى وقيدى. بيىلعى قىركۇيەكتەگى جاعداي بويىنشا ينستيتۋتتىڭ رەزيدەنتۋراسىندا 149 ادام ءبىلىم الۋدا.
ەڭ قاجەتتى دە يگىلىكتى ماماندىقتى تاڭداعان رەزيدەنتتەرىمىز بەن جاس دارىگەرلەرىمىز دارىگەر دەگەن اتقا لايىق بولىپ، ەل حالقىنىڭ دەنساۋلىعىن ساقتايدى دەگەن سەنىمدەمىن، — دەيدى كارديولوگيا جانە ىشكى اۋرۋلار عىلىمي-زەرتتەۋ ينستيتۋتىنىڭ باسقارما ءتوراعاسى مارات پاشيموۆ.