الماتى قالاسى جاستار ساياساتى باسقارماسى جانە ەسىرتكى قىلمىسىنا قارسى كۇرەس باسقارماسى، الماتى قالاسىنىڭ پوليسيا دەپارتامەنتى قولداۋىمەن، الماتى قالاسى جاستار ساياساتىن دامىتۋ مەملەكەتتىك قورى جانە «دينامو» دەنە شىنىقتىرۋ جانە سپورت قوعامى ۇيىمداستىرۋىمەن، «دينامو» ستاديونىندا بالالاردى قورعاۋ كۇنىنە جانە ناشاقورلىقپەن كۇرەس ايلىعىنا ارنالعان الماتى قالاسىنىڭ دەمالىس ورتالىقتارىنىڭ تاربيەلەنۋشىلەرى مەن «دينامو» دەنە شىنىقتىرۋ جانە سپورت قوعامىنىڭ بالالارى اراسىندا «مارافون جاس دينامو» - «RÝH - MARAFON» سپورتتىق ويىن-ساۋىق مەرەكەسى ءوتتى، دەپ حابارلايدى Almaty-akshamy.kz.
بۇل سپارتاكيادانىڭ نەگىزگى ماقساتى - دەمالىس ورتالىقتارىنىڭ جاسوسپىرىمدەرى مەن جاستارى اراسىندا سالاۋاتتى ءومىر سالتىن ناسيحاتتاۋ، ولاردى دەنە شىنىقتىرۋمەن جانە سپورتپەن جۇيەلى تۇردە اينالىسۋعا تارتۋ، سونداي-اق مىقتى سپورتشىلار مەن كوماندالاردى انىقتاۋ.
شارا سالتاناتتى شەرۋمەن باستالدى، وعان بارلىق قوناقتار مەن سپورتشىلار قاتىستى. اۋقىمدى ءىس-شارا بىرنەشە بولىمنەن تۇردى: كونسەرتتىك باعدارلاما، جۇگىرۋ ءتۋرنيرى، سپورتتىڭ ءارتۇرلى تۇرلەرى بويىنشا شەبەرلىك سىنىپتارى ايماعى، مىسالى: ەستافەتا، دارتس، اكم قۇراستىرۋ-بولشەكتەۋ، ارقان تارتىس، اسىق ويىنى جانە ت.ب.
جارىس باستالماس بۇرىن قاتىسۋشىلارعا ەرەجەلەر ءتۇسىندىرىلىپ، كوماندالارعا ءبولىندى. ءار توپ 600 جانە 800 مەترگە جۇگىردى. جەڭىل اتلەتيكانىڭ كاسىبي تورەشىلەرى ءاربىر قاتىسۋشىنىڭ جارىس ۋاقىتىن جازىپ، قورىتىندىلاۋ حاتتاماسىنا ەنگىزدى. جەڭىمپازدار مەن جۇلدەگەرلەر كۋبوكتار، مەدالدار، ماقتاۋ قاعازدارى جانە سىيلىقتارمەن ماراپاتتالدى. جارىس تازا اۋادا سانيتارلىق نورمالار مەن الەۋمەتتىك قاشىقتىقتى ساقتاي وتىرىپ وتكىزىلدى.
سپارتاكيادانىڭ اشىلۋىنىڭ باستى ەرەكشەلىگى سپارتاكياداعا قاتىسۋشىلاردى قولداعان «DIEGO» توتەمدىك اڭ بارىسى بولدى. ول سپورتشىلاردى قيىندىقتاردى جەڭۋگە جانە العا قويعان ماقساتتارىنا جەتۋگە جىگەرلەندىرەتىن كۇش پەن جەڭىسكە دەگەن ۇمتىلىستىڭ سيمۆولىنا اينالدى.
بالالاردى قورعاۋ كۇنىنە وراي جاس سپورتشىلارعا «Tas group» ۇسىنعان بالمۇزداق ۇسىنىلدى.
«ءبىز سالاۋاتتى ءومىر سالتى ءۇشىن» ۇرانىمەن: شاعىن فۋتبول، بوۋلينگ، ۇستەل تەننيسى جانە ستريتبول سياقتى سپورت تۇرلەرىنەن سپارتاكيادا اياسىنداعى بارلىق تۋرنيرلەر ماۋسىم ايىنىڭ سوڭىنا دەيىن كەزەڭ-كەزەڭىمەن، ناشاقورلىقتىڭ الدىن الۋ جانە وعان قارسى كۇرەس ايلىعى اياسىندا وتكىزىلەتىن بولادى.