الماتىدا قوڭىراۋ سوعۋدى ءوتىنىپ، تەلەفوندى قايتارماعان الاياق انىقتالدى.
ءتارتىپ ساقشىلارىنىڭ مالىمەتىنشە، ب. ەسىمدى ازامات تۇسىنىكسىز جاعدايلاردى ايتىپ، ءوتىپ بارا جاتقان ادامداردان «ماڭىزدى قوڭىراۋ» جاساۋ ءۇشىن ۇيالى تەلەفوندارىن سۇراعان.
«جاناشىر جاندار وسىنداي قاراپايىم وتىنىشتەن باس تارتپاعان، ال كۇدىكتى بولسا، قۇرىلعىنى العاننان كەيىن قاشىپ كەتكەن. ءقازىر ۇستالعان ازاماتتىڭ وسىنداي 5 الاياقتىققا قاتىسى بار ەكەندىگى انىقتالدى. ولار بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە ق ر قك-نىڭ 190 بابىنا (الاياقتىق) سايكەس قىلمىستىق ءىس تىركەلدى. كۇدىكتى ۋاقىتشا ۇستاۋ يزولياتورىنا قامالدى»، – دەيدى، المالى اۋداندىق پب-نا قاراستى پوليسيا ءبولىمىنىڭ باستىعى باتۋرجان ابدۋماساروۆ.
ءتارتىپ ساقشىلارى الدانعانداردىڭ ودان دا كوپ بولۋى مۇمكىن ەكەنىن جوققا شىعارمايدى. سوندىقتان ولار ازاماتتاردى ۇستالعان ادامدى تانىعان جاعدايدا مىنا تەلەفون نومىرلەرى ارقىلى حابارلاسۋعا شاقىرادى: 8-701-269 – 05-65.