جولداۋعا قاتىستى ءتۇرلى پىكىرلەر ايتىلۋدا. سول پىكىرلەردىڭ بىرەۋىن Almaty-akshamy.kz Assembly.kz-كە سىلتەمە جاساپ ۇسىنىپ وتىر.
مىناۋ بۇراۋلى، بۇراندالى، بۇلتىڭ دۇنيەدە، شىتىرماندى، شيماندى ومىردە تىلمەن بايلاعاندى قولمەن شەشۋ مۇمكىن ەمەس ەكەنى اقيقات. دەگەنمەن، «كەمەر بەلبەۋ- بەل ءسانى، كەمەل جىگىت - ەل ءسانى» دەمەكشى، مەملەكەت باسشىسى قاسىم-جومارت كەمەل ۇلى توقايەۆتىڭ قازاقستان حالقىنا ارنالعان بۇگىنگى جولداۋىندا ەلىمىزدىڭ تولىق احۋالى تۋرالى اسا ماڭىزدى اتقارىلعان ىستەر مەن الداعى كۇردەلى مىندەتتەر تولىق باياندالدى دەپ ەسەپتەيمىن.
«جاڭا جاعدايداعى قازاقستان: ءىس-قيمىل كەزەڭى» اتتى جولداۋىنىڭ باستى ماقساتى مەملەكەتتىك باسقارۋدىڭ تيىمدىلىگىن ارتتىرۋ، جاڭا زامان تالاپتارىنا سايكەس ەكونوميكالىق دامۋ، شاعىن جانە ورتا بيزنەستى، قارجى سەكتورىن، وڭىرلىك دامۋ جانە قازاقستاندىقتاردىڭ الەۋمەتتىك جاعدايىن ودان ءارى دامىتۋ سىندى ماقساتتارعا قول جەتكىزۋ ەكەندىگىنە بۇگىنگى پرەزيدەنتتىڭ سوزدەرىن تىڭداي وتىرا ءبارىمىز كۋا بولدىق. ءقازىر بىزگە تاۋەلسىزدىكتىڭ جەتىستىكتەرىن ەسەلەپ، ەلىمىزدى دامۋدىڭ جاڭا ساپالى كەزەڭىنە شىعارۋ مۇمكىندىگى بەرىلىپ وتىرعاندىعى اتالىپ ءوتىلدى. سونىمەن قاتار پرەزيدەنت اتاپ وتكەن جاڭا ەكونوميكالىق دامۋدىڭ جەتى قاعيداتى مەملەكەت تاراپىنان دايەكتى شەشىمدەر قابىلداۋدى جانە سول ءۇشىن قوعام الدىندا جاۋاپتى بولۋدى كوزدەيدى.
اسىرەسە، قولجەتىمدى ءارى ساپالى ءبىلىم بەرۋگە جانە دە الەمگە زور ءقاۋىپ توندىرگەن پاندەمياعا قارسى كۇرەستە زور جاۋاپكەرشىلىكتىڭ جارقىن ۇلگىسىن كورسەتىپ كەلە جاتقان دەنساۋلىق ساقتاۋ جۇيەسىن ودان ءارى دامىتۋعا ارنالعان بولىمدەر الدا اۋقىمدى جۇمىستار جۇرگىزىلەتىندىگىنىڭ نەگىزى. حالىقتىڭ الەۋمەتتتىك الەۋەتىن ودان ءارى ارتتىرۋ ياعني، ءتۇرعىن-ۇي ماسەلەسىن شەشۋ بويىنشا «5-10-25» باعدارلاماسىنىڭ وسى جىلدان باستاپ جۇرگىزىلىپ كەلە جاتقاندىعىن جانە 2021 جىلدىڭ وزىندە بجزق-نىڭ 700 مىڭ سالىمشىسى ءوز جيناقتارىنىڭ ءبىر بولىگىن تۇرعىن ءۇي ساتىپ الۋعا، ەمدەلۋگە نەمەسە قارجى كومپانيالارىن باسقارۋعا بەرۋ ءۇشىن پايدالانا الاتىندىعىن ايقىندادى.
الايدا وسىنداي تابىس پەن تۇرمىس ساپاسى جوعارى مەملەكەت قۇرۋ ءۇشىن بارىمىزگە جوعارى جاۋاپكەرشىلىك پەن تەمىردەي ءتارتىپ قاجەت. الاش زيالىسى احمەت بايتۇرسىن ۇلىنىڭ وسى ورايدا، ءبىلىمدى بولۋعا وقۋ كەرەك. باي بولۋعا كاسىپ كەرەك. كۇشتى بولۋعا بىرلىك كەرەك. وسى كەرەكتەردىڭ جولىندا جۇمىس ىستەۋ كەرەك، دەگەن ءسوزى ق.ج.توقايەۆتىڭ جولداۋدا اتاپ وتكەن مەملەكەتتىك ساياساتتىڭ جاڭا باعىتتارى ەلىمىزدىڭ داعدارىس جاعدا يىندا ودان ءارى دامۋىنا زور ۇلەسىن تيگىزەدى دەگەن سەنىمدەمىن.