پوليسيا قىزمەتكەرلەرى كۇدىكتىنى ۇستادى
الماتىدا ءوزىن قۇقىق قورعاۋ ورگانى قىزمەتكەرىمىن دەپ تانىستىرعان ەر ادام وزگەلەرگە قىزمەتتە مانسابىن "جوعارىلاتىپ" بەرەمىن دەپ ۋادە بەرگەن، دەپ حابارلايدى Almaty-akshamy.kz.
الماتى قالالىق پوليسيا مالىمەتىنشە، ول اقىسىن تولەسە، قىزمەتتە مانسابىن ءوسىرۋدى ۋادە ەتكەن. پوليسيا قىزمەتكەرلەرى كۇدىكتىنى ۇستادى.
"ءوزىن قۇقىق قورعاۋ ورگاندارىنىڭ ءبىرىنىڭ قىزمەتكەرىمىن دەپ تانىستىرعان 1992 جىلى تۋعان ا. ەسىمدى ازامات مانساپتىق وسۋگە كومەكتەسەمىن دەپ ۋادە بەرگەن. ءبىراق بۇل “قىزمەتى” اقىلى، ول ءۇشىن شامامەن 18 مىڭ دوللار سۇراعان. تەرگەۋ بارىسىندا كۇدىكتىنىڭ ءوزىنىڭ قۇزىرەتتىلىگى تۋرالى اقپاراتتى جەكە باس پايداسى ءۇشىن تاراتقانى انىقتالدى. نيەتىنىڭ تازالىعىنا سەندىرگەن ول الدىن الا تولەمدى اۋدارۋدى ۇسىنعان. قازىرگى تاڭدا ءبىزدىڭ بولىمشەدە ەكى الاياقتىق دەرەگى تىركەلدى"، – دەدى ناۋرىزباي اۋداندىق پوليسيا باسقارماسىنىڭ باستىعى دانيار مەڭدەبايەۆ.
ۇستالعان ازاماتقا قاتىستى ق ر قك-نىڭ 190-بابى 3-بولىگى بويىنشا سوتقا دەيىنگى تەرگەۋ امالدارى جۇرگىزىلىپ جاتىر.