ولار الەۋمەتتىك جاعدايلارىنا نارازىلىق ءبىلدىرىپ، بەينەۇندەۋ جولداعان.
Lada.kz سايتىنىڭ اقپاراتىنا ساي، ماڭعىستاۋ وبلىسىندا ءورت سوندىرۋشىلەر جۇمىسقا شىعۋدان باس تارتىپ جاتىر، دەپ حابارلايدى Almaty-akshamy.kz
ولاردى ءومىرزاق اۋىلىنداعى ارىپتەستەرى دە قولداپ شىققان.
ۇندەۋ قازاقستان پرەزيدەنتى قاسىم-جومارت توقايەۆقا، پرەمەر-مينيستر ولجاس بەكتەنوۆكە، ماڭعىستاۋ وبلىسىنىڭ اكىمى نۇرلان نوعايەۆقا جولداندى.
«ماڭعىستاۋ وبلىسىنداعى «زيەۆس ەنەرگو» قوعامدىق بىرلەستىگى، اقتاۋ، جاڭاوزەن، جەتىباي، قاراجانباس جانە قالامقاس ءورت سوندىرۋشىلەرى ۇجىمىنىڭ اتىنان ۇندەۋ! وسى ۋاقىتقا دەيىن مەملەكەتتىك ورگاندارعا ەسكەرتۋ جاسالدى. الايدا ارىز-تالابىمىز وڭ شەشىمىن تاپپادى. سوندىقتان 16 اقپاننان باستاپ جۇمىستى توقتاتتىق. ايلىعىمىز 130-150 مىڭ تەڭگە ارالىعىندا، ەڭبەك دەمالىسىنا 80 مىڭ تەڭگە بەرەدى. بۇل قازىرگى قىمباتشىلىققا بايلانىستى ازدىق ەتەدى. ايلىعىمىزدى 350 مىڭ تەڭگەگە كوتەرىپ، الەۋمەتتىك پاكەتتى قوسىپ، دەنساۋلىققا زياندى ايماقتا جۇرگەندىكتەن ءسۇت جانە تاعى باسقا پايدالى ازىقپەن قامتاماسىز ەتىلسىن. جىل سايىن بەرىلەتىن مەرەكەلىك سىياقىلار 100% بەرىلسىن. ساپالى، ولشەمى دۇرىس كيىم بەرىلسىن. جۇمىسشىلاردى قۋدالاماۋدى سۇرايمىز. وسى تالاپتارىمىز ورىندالمايىنشا، جۇمىستى توقتاتىپ تۇرامىز!»، دەلىنگەن ءورت سوندىرۋشىلەردىڭ بەينەۇندەۋىندە.