ماڭعىستاۋدا ءولى تابىلعان يتبالىقتار سانى رەسمي دەرەكتەرگە سايكەس 700-دەن استى، دەپ حابارلايدى جەرگىلىكتى Lada باسىلىمى. بۇل تەك بالىق ينسپەكسياسىنىڭ ەسەپكە العان يتبالىقتارى عانا.
شىن مانىندە ولاردىڭ سانى الدەقايدا كوپ بولۋى مۇمكىن، ويتكەنى اۋا رايىنىڭ قولايسىزدىعىنا بايلانىستى جاعاعا ءالى دە ءولى يتبالىقتار شىعۋدا. وڭىردە مۇنداي اۋقىمدى جانۋارلاردىڭ قىرىلۋى بۇرىن-سوڭدى تىركەلمەگەن.
ءولۋ سەبەپتەرى ءالى دە بەلگىسىز: بۇعان لاستانۋ، ۆيرۋستار، تابيعي كاتاكليزمدەر، سۋ استىندا تابيعي گازدىڭ ءبولىنۋى ىقپال ەتۋى مۇمكىن. مىسالى، 2022 جىلى داعىستاندا 2،5 مىڭ يتبالىقتىڭ ءولى تابىلۋ جاعدايىندا نەگىزگى سەبەپ رەتىندە گازدىڭ ءبولىنۋى اتالعان ەدى.
بۇل جاعدايدىڭ قانشالىقتى ماڭىزدى ەكەنىن ءتۇسىنۋ ءۇشىن كاسپيي يتبالىقتارىنىڭ پوپۋلياسياسى سوڭعى 100 جىلدا 90 پايىزعا قىسقارعانىن اتاپ وتكەن ءجون. قازىرگى ۋاقىتتا ولاردىڭ سانى شامامەن 300 مىڭ دەپ ەسەپتەلەدى.
الايدا ناقتى سانى بەلگىسىز. ورتالىق ازيا ەكولوگيالىق زەرتتەۋلەر ينستيتۋتىنىڭ (CAIER) "ۆلاست" باسىلىمىنا حابارلاۋىنشا، ءىس جۇزىندە يتبالىقتاردىڭ سانى 100 مىڭعا دەيىن ازايۋى مۇمكىن.
ەستەرىڭىزگە سالا كەتسەك بۇعان دەيىن ءتۇپقاراعان اۋدانىنىڭ باۋتين اۋماعىندا يتبالىقتىڭ قىرىلۋىنا نە بولعانىن جازعان بولاتىنبىز.