نارەستە سوت شەشىمى شىققانعا دەيىن سابيلەر ۇيىنە ورنالاستىرىلدى.
ماڭعىستاۋلىق پوليسەيلەر شاقالاقتى ساتۋ كەزىندە ەكى ايەلدى ۇستادى، دەپ حابارلايدى اlmaty-akshamy.kz Polisia.kz سايتىنا سىلتەمە جاساپ.
«4 مامىر كۇنى ساعات 13.00 شاماسىندا وبلىس پروكۋراتۋراسىنىڭ ۇيلەستىرۋىمەن پوليسيا دەپارتامەنتى ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى جاڭا تۋعان نارەستە ءۇشىن اقشا الۋ كەزىندە 35 جاستاعى كۇدىكتى ايەلدى ۇستادى».
پولسيا قىزمەتكەرلەرى، سونداي-اق قولىنا نارەستە تاپسىرىلعان 38 جاستاعى كۇدىكتى ايەلدى قۇرىقتادى.
شاقالاق سوت شەشىمى شىققانعا دەيىن اقتاۋ قالاسىنداعى مامانداندىرىلعان سابيلەر ۇيىنە ورنالاستىرىلدى.
«اتالعان فاكتى بويىنشا ماڭعىستاۋ وبلىسى پوليسيا دەپارتامەنتى ق ر قىلمىستىق كودەكسىنىڭ 135-بابى 2-بولىگى بويىنشا سوتقا دەيىنگى تەرگەۋدى باستادى. وزگە مالىمەت تەرگەۋ مۇددەسىنە وراي جاريا ەتۋگە جاتپايدى»، - دەلىنگەن مالىمەتتە.