الماتىنىڭ بىرنەشە كوشەسىندە جول قوزعالىسى ۋاقىتشا جابىلادى

قالادا قۇبىرلاردى قايتا قۇرىلىمداۋ جۇمىستارى اتقارىلىپ جاتىر.

الماتى قالاسىندا جىلۋ جەلىلەرىن قايتا قۇرىلىمداۋ كەزىندە بىرنەشە كوشە ارقىلى وتەتىن جول جابىلادى، دەپ حابارلايدى اlmaty-akshamy.kz.

10 مامىردان 30 تامىزعا دەيىن الماتى قالاسىندا جىلۋ جەلىلەرىن جوسپارلى قايتا قۇرىلىمداۋعا بايلانىستى بىرنەشە كوشە بويىنشا اۆتوموتوكولىكتەردىڭ قوزعالىسى شەكتەلەتىن بولادى.

مەدەۋ اۋدانىندا قازىبەك بي كوشەسىمەن (ءۋاليحانوۆ كوشەسىنەن ابدۋلليندەر كوشەسىنە دەيىن) وتەتىن جول جابىلادى.

بوستاندىق اۋدانىندا قوزعالىس گاندي كوشەسىمەن («نۇرسۇلتان نازاربايەۆ قورى» جق-دان باتىس جەلتوقسان كوشەسىنە دەيىن) توقتاتىلادى.

ەنگىزىلگەن شەكتەۋلەر اتالعان كوشە سەگمەنتتەرىنىڭ ءجۇرىس بولىگىنىڭ استىنان وتەتىن قۇبىرلاردى قايتا قۇرىلىمداۋ بويىنشا جۇمىستاردىڭ قاۋىپسىزدىگىن قامتاماسىز ەتۋ ءۇشىن قاجەت.

تۇرعىندارعا قولايلى جاعدايلاردى ساقتاۋ ءۇشىن ولاردىڭ ۇيلەرىنە ىستىق سۋ ۋاقىتشا سحەمالار بويىنشا بەرىلەدى.

ءماجبۇرلى قولايسىزدىقتارعا تۇسىنىستىكپەن قاراۋدى جانە اتالعان قالالىق ۋچاسكەلەردى انالىپ ءجۇرۋ جولدارىن الدىن الا قاراستىرۋدى سۇرايمىز.

«الماتى جىلۋ جۇيەسى»  ج ش س