ماڭعىستاۋدا كامەلەتكە تولماعان بالاعا قاتىستى جىنىستىق سيپاتتاعى قىلمىس جاسادى دەگەن كۇدىكپەن جەرگىلىكتى ۆيدەوگراف ۇستالدى، - دەپ حابارلايدى اqshamnews.kz ءتىلشىسى.
الەۋمەتتىك جەلىدن بەلگىلى لاقاپ اتپەن جۇمىس ىستەيتىن، جەرگىلىكتى پابليكتەر مەن اقتاۋ اكىمدىگىنە ۆيدەوروليك ءتۇسىرىپ جۇرگەن وپەراتوردىڭ بىرنەشە اپتا بۇرىن اككاۋنتتارى جوعالىپ كەتكەنى تۋرالى جازبالار پايدا بولدى. جاريالانىمداردىڭ بىرىندە ونىڭ تانىسى ۆيدەوگراف كامەلەتكە تولماعاندارعا قاتىستى جىنىستىق سيپاتتاعى ارەكەتتەر بويىنشا جازىلعان ارىزدان كەيىن قاماۋعا الىنعانىن ايتقان. اتالعان بالالار ودان ۆيدەو ءتۇسىرۋدى ۇيرەنىپ جۇرگەنى اتاپ وتىلگەن.
پوليسيا بۇل دەرەكتى راستادى. 4 قاراشادا قۇقىق قورعاۋ ورگاندارىنا كامەلەتكە تولماعانعا قاتىستى جىنىستىق سيپاتتاعى ارەكەت جاسالعانى تۋرالى ارىز تۇسكەن. ارىز بويىنشا ق ر قك-نىڭ 121-بابى 4-بولىگى بويىنشا قىلمىستىق ءىس قوزعالدى. كۇدىكتى انىقتالىپ، ۇستالعان، سوتتىڭ سانكسياسىمەن ەكى ايعا ۋاقىتشا تەرگەۋ يزولياتورىنا قامالعان.
«پوليسيا بارلىق تەرگەۋ جانە ءىس جۇرگىزۋ شارالارىن تولىق كولەمدە جۇرگىزىپ جاتىر. وقيعانىڭ ءمان-جايى انىقتالىپ جاتىر، ارىزداعى دەرەكتەر تەكسەرىلىپ، قاجەتتى ساراپتامالار تاعايىندالدى»، – دەپ حابارلادى ۆەدومستۆو.
پوليسيا مالىمەتىنشە، جابىرلەنۋشى 13 جاستا، ال كۇدىكتىنىڭ جاسى 29-دا. الەۋمەتتىك جەلىلەردەگى اقپاراتقا قاراعاندا، ول درون ارقىلى ۆيدەوروليكتەر ءتۇسىرىپ كەلگەن.