ورتالىق كوممۋنيكاسيالار قىزمەتىندە وتكەن بريفينگىدە ماڭعىستاۋ وبلىسىنىڭ اكىمى نۇرلان نوعايەۆ وڭىردە اشىلعان قانت زاۋىتى نەگە جۇمىس ىستەمەي تۇرعانىن ايتتى، دەپ حابارلايدى almaty-akshamy.kz
«ەندى بۇل جەكە كاسىپكەردىڭ اتقارىپ وتىرعان ءىسى. ءوزىڭىز بىلەسىز، قانداي دا ءبىر شارۋانى اتقارۋ ءۇشىن ءبارىن جان-جاقتى ۇيلەستىرۋ كەرەك. ءبىزدىڭ تابيعي ەرەكشەلىكتەرىمىز قىزىلشا ەگۋگە كەلمەيدى. ءبىراق ءبىز وعان جوق دەمەدىك. سول كاسىپكەر ءوزى قانت شىعارۋعا سىرتتان شيكىزات اكەلەتىنىن ايتىپ، نيەت تانىتتى. ءبىز ءوز تاراپىمىزدان قولداۋ كورسەتتىك. بيزنەستى قولداۋ شارالارىنىڭ اياسىندا قارجىلىق، اكىمشىلىك كومەك بەردىك. ءوزىم دە ينۆەستورمەن بىرنەشە رەت كەزدەستىم. دەگەنمەن، قازىرگى تاڭدا ءىس جۇرمەي تۇر. بۇل – بيزنەس. باستاعان ءىسىڭ جوسپارلاعانداي ءجۇرىپ كەتسە، قۇبا-قۇپ. وكىنىشكە قاراي، وبەكتيۆتى، سۋبەكتيۆتى سەبەپتەر بار»، - دەدى نۇرلان نوعايەۆ.
سونداي-اق، ول جاڭاوزەندە بارلانعان مۇنايدىڭ قازىرگى قورى قوسىمشا زاۋىت اشۋعا مۇمكىندىك بەرمەيتىنىن باسا ايتتى.
«ءبارىنىڭ تالاپ ەتىپ وتىرعانى ءبىر زاۋىت اشسا، جۇمىسسىزداردىڭ ءبارى سول جەرگە كىرەدى عوي دەگەنگە سايادى. كەي كەزدەرى بۇل – مۇمكىن ەمەس شارۋا. مامانداردىڭ ايتۋى بويىنشا، جەراستى ىزدەستىرۋ جۇمىستارىنا ينۆەستيسيا سالىنباسا، جاڭاوزەن كەن ورنىنىڭ قورى 25-30 جىلعا جەتەتىنىن ايتىپ وتىر»، - دەدى اكىم.