ينجەنەرلىك ينفراقۇرىلىم قۇرىلىسى باستالعان.
ماڭعىستاۋ وبلىسىندا جاڭا كۋرورتتى قالا سالىنادى، دەپ حابارلايدى aqshamnews.kz
ۇكىمەتتىڭ باسپا ءسوز قىزمەتىنىڭ مالىمەتىنشە، مەملەكەت باسشىسىنىڭ بيىلعى ماۋسىمدا وتكەن ءتۋريزمدى دامىتۋ جونىندەگى كەڭەستە بەرگەن تاپسىرمالارىن ىسكە اسىرۋ ماقساتىندا ماڭعىستاۋ وبلىسىندا ءوڭىردىڭ تۋريستىك الەۋەتىن دامىتۋ بويىنشا جۇمىستار جۇرگىزىلىپ جاتىر. اتاپ ايتقاندا، كەندىرلى كۋرورتتى ايماعىندا جىلىنا 300 مىڭ ادامعا دەيىن قابىلداي الاتىن تۋريستىك قالا سالىنادى.
«كەندىرلى تەڭىز جاعالاۋىنىڭ ەرەكشەلىگى – شومىلۋ ماۋسىمىنىڭ ۇزاقتىعى. گەوگرافيالىق ورنالاسۋى دا ماڭىزدى ءرول اتقارادى. ول ءوزىنىڭ بىرەگەيلىگىنىڭ ارقاسىندا تۋريستەردى تارتۋعا ىڭعايلى. وسىعان بايلانىستى پرەزيدەنت كەندىرلى تۋريستىك ايماعىن قۇرۋ بويىنشا ناقتى تاپسىرما بەردى. ءبىز ءتيىستى ينفراقۇرىلىمى بار جانە تۋريستەرگە قىزمەت كورسەتەتىن ارنايى تۋريستىك قالاشىق سالۋدى جوسپارلاپ وتىرمىز. بۇل جاڭاوزەن قالاسىنىڭ نەگىزگى جۇكتەمەسىنىڭ تومەندەۋىنە جاقسى اسەر ەتەدى»، - دەيدى كەندىرلى اۋىلىنىڭ اكىمى مەكەن ۇيسەنوۆ.