سوڭعى ۋاقىتتا بۇقارالىق اقپارات قۇرالدارىندا جانە الەۋمەتتىك جەلىلەردە «جوعارعى سوت مەكتەپتەردە ورامال تاعۋدى زاڭدى دەپ تاپتى» دەگەن جالعان مالىمەتتەر تاراۋدا، دەپ حابارلايدى aqshamnews.kz
جوعارعى سوتتىڭ شەشىمى مەكتەپتەردەگى ورامال تاعۋ ماسەلەسىنە تىكەلەي قاتىسى جوق. ءىستى قاراۋ بارىسىندا جوعارعى سوتتىڭ اكىمشىلىك ىستەر جونىندەگى سوت القاسى ءبىلىم بەرۋ مەكەمەسىندە ورامال تاعۋدىڭ زاڭدىلىعىن تالقىلاعان جوق.
شەشىمنىڭ نەگىزگى مازمۇنى – مەكتەپتىڭ وقۋشىنى ساباققا جىبەرمەۋىن زاڭسىز دەپ تانۋ بولدى، ويتكەنى ءبىلىم الۋ قۇقىعى قازاقستان رەسپۋبليكاسى ازاماتتارىنىڭ نەگىزگى كونستيتۋسيالىق قۇقىقتارىنىڭ ءبىرى رەتىندە قاراستىرىلعان.
سونىمەن بىرگە، ءبىلىم جانە عىلىم مينيسترلىگىندە ورتا ءبىلىم بەرۋ ۇيىمدارىنا ارنالعان مىندەتتى مەكتەپ فورماسىنا قويىلاتىن تالاپتاردى بەكىتۋ وكىلەتتىگى بار. ءمينيستردىڭ بۇل تالاپتاردى بەكىتەتىن بۇيرىعى زاڭسىز دەپ تانىلماعان جانە ونىڭ كۇشى جويىلعان جوق. اتا-انالار وسى مەكتەپ جارعىسى مەن مەكتەپ فورماسىنا قويىلاتىن تالاپتاردى ساقتاۋ مىندەتىن ورىنداۋعا جاۋاپتى ەكەنىن ەسكەرۋى قاجەت.
اتا-انالاردىڭ بالالاردى تاربيەلەۋ مەن ءبىلىم بەرۋ، ولاردىڭ قۇقىقتارى مەن مۇددەلەرىن قورعاۋ مىندەتتەرى زاڭمەن بەلگىلەنگەن. بۇل مىندەتتەردى ورىنداماۋ، ونىڭ ىشىندە اكىمشىلىك قۇقىق بۇزۋشىلىق تۋرالى كودەكستە كوزدەلگەن تالاپتاردى ساقتاماۋ جاۋاپكەرشىلىككە اكەلۋى مۇمكىن.
جوعارعى سوتتىڭ شەشىمى مەكتەپتەردە ورامال تاعۋ ماسەلەسىنە قاتىستى ەمەس ەكەنىن ناقتى اتاپ وتكەن ءجون. مەكتەپتەردە مىندەتتى مەكتەپ فورماسىنا قويىلاتىن تالاپتار ءوز كۇشىندە قالا بەرەدى، جانە وقۋشىلاردىڭ ءبىلىم الۋ قۇقىعى مەن مەكتەپ ەرەجەلەرىن ساقتاۋ جاۋاپكەرشىلىگى اتا-انالارعا دا تيەسىلى.