بۇل تۋرالى پرەمەر-مينيستردىڭ ورىنباسارى ەرالى توعجانوۆ اقتاۋداعى ىنتىماق الاڭىنا جينالعان جۇرتقا مالىمدەدى دەپ حابارلايدى almaty-akshamy.kz
سونىمەن قاتار الاڭدا بولعان بەلسەندى ازاماتتاردى جاۋاپكەرشىلىككە تارتپاۋعا كەپىلدىك بەرىلدى. بۇعان دەيىن ۇكىمەتتىك كوميسسيا مۇشەلەرى جاڭاوزەندىك بەلسەندى باستاماشىل توپپەن كەلىسسوز جۇرگىزگەن ەدى. كەزدەسۋدە وزەكتى ماسەلەلەر، سونىڭ ىشىندە سۇيىتىلعان گاز باعاسىن تومەندەتۋ تۋرالى ايتىلدى.
قاتىسۋشىلار جاعدايدى رەتتەۋ مۇمكىندىگىن تالقىلادى. باستاماشىل توپ كوگىلدىر وتىننىڭ باعاسىن تومەندەتۋدى تالاپ ەتتى. پرەزيدەنت قاسىم-جومارت توقايەۆتىڭ تاپسىرماسىمەن قۇرىلعان ۇكىمەتتىك كوميسسياعا پرەمەر-مينيستردىڭ ورىنباسارى ەرالى توعجانوۆ جەتەكشىلىك ەتتى.
كوميسسيا قۇرامىندا پرەزيدەنت اكىمشىلىگىنىڭ، ەنەرگەتيكا مينيسترلىگىنىڭ، باسەكەلەستىكتى قورعاۋ جانە دامىتۋ اگەنتتىگىنىڭ، جەرگىلىكتى اتقارۋشى ورگانداردىڭ، «قازمۇنايگاز» ۇلتتىق كومپانياسىنىڭ وكىلدەرى جانە باسقا دا مۇددەلى تاراپتار كىردى.